चौपाई
करहि जाइ तपु सैलकुमारी। नारद कहा सो सत्य बिचारी।।
मातु पितहि पुनि यह मत भावा। तपु सुखप्रद दुख दोष नसावा।।
तपबल रचइ प्रपंच बिधाता। तपबल बिष्नु सकल जग त्राता।।
तपबल संभु करहिं संघारा। तपबल सेषु धरइ महिभारा।।
तप अधार सब सृष्टि भवानी। करहि जाइ तपु अस जियँ जानी।।
सुनत बचन बिसमित महतारी। सपन सुनायउ गिरिहि हँकारी।।
मातु पितुहि बहुबिधि समुझाई। चलीं उमा तप हित हरषाई।।
प्रिय परिवार पिता अरु माता। भए बिकल मुख आव न बाता।।
दोहा/सोरठा
बेदसिरा मुनि आइ तब सबहि कहा समुझाइ।।
पारबती महिमा सुनत रहे प्रबोधहि पाइ।।73।।
चौपाई
उर धरि उमा प्रानपति चरना। जाइ बिपिन लागीं तपु करना।।
अति सुकुमार न तनु तप जोगू। पति पद सुमिरि तजेउ सबु भोगू।।
नित नव चरन उपज अनुरागा। बिसरी देह तपहिं मनु लागा।।
संबत सहस मूल फल खाए। सागु खाइ सत बरष गवाँए।।
कछु दिन भोजनु बारि बतासा। किए कठिन कछु दिन उपबासा।।
बेल पाती महि परइ सुखाई। तीनि सहस संबत सोई खाई।।
पुनि परिहरे सुखानेउ परना। उमहि नाम तब भयउ अपरना।।
देखि उमहि तप खीन सरीरा। ब्रह्मगिरा भै गगन गभीरा।।
दोहा/सोरठा
भयउ मनोरथ सुफल तव सुनु गिरिजाकुमारि।
परिहरु दुसह कलेस सब अब मिलिहहिं त्रिपुरारि।।74।।
चौपाई
karahi jāi tapu sailakumārī. nārada kahā sō satya bicārī..
mātu pitahi puni yaha mata bhāvā. tapu sukhaprada dukha dōṣa nasāvā..
tapabala racai prapaṃca bidhātā. tapabala biṣnu sakala jaga trātā..
tapabala saṃbhu karahiṃ saṃghārā. tapabala sēṣu dharai mahibhārā..
tapa adhāra saba sṛṣṭi bhavānī. karahi jāi tapu asa jiyaom jānī..
sunata bacana bisamita mahatārī. sapana sunāyau girihi haomkārī..
mātu pituhi bahubidhi samujhāī. calīṃ umā tapa hita haraṣāī..
priya parivāra pitā aru mātā. bhaē bikala mukha āva na bātā..
चौपाई
ura dhari umā prānapati caranā. jāi bipina lāgīṃ tapu karanā..
ati sukumāra na tanu tapa jōgū. pati pada sumiri tajēu sabu bhōgū..
nita nava carana upaja anurāgā. bisarī dēha tapahiṃ manu lāgā..
saṃbata sahasa mūla phala khāē. sāgu khāi sata baraṣa gavāomē..
kachu dina bhōjanu bāri batāsā. kiē kaṭhina kachu dina upabāsā..
bēla pātī mahi parai sukhāī. tīni sahasa saṃbata sōī khāī..
puni pariharē sukhānēu paranā. umahi nāma taba bhayau aparanā..
dēkhi umahi tapa khīna sarīrā. brahmagirā bhai gagana gabhīrā..
