चौपाई
कह सिव जदपि उचित अस नाहीं। नाथ बचन पुनि मेटि न जाहीं।।
सिर धरि आयसु करिअ तुम्हारा। परम धरमु यह नाथ हमारा।।
मातु पिता गुर प्रभु कै बानी। बिनहिं बिचार करिअ सुभ जानी।।
तुम्ह सब भाँति परम हितकारी। अग्या सिर पर नाथ तुम्हारी।।
प्रभु तोषेउ सुनि संकर बचना। भक्ति बिबेक धर्म जुत रचना।।
कह प्रभु हर तुम्हार पन रहेऊ। अब उर राखेहु जो हम कहेऊ।।
अंतरधान भए अस भाषी। संकर सोइ मूरति उर राखी।।
तबहिं सप्तरिषि सिव पहिं आए। बोले प्रभु अति बचन सुहाए।।
दोहा/सोरठा
पारबती पहिं जाइ तुम्ह प्रेम परिच्छा लेहु।
गिरिहि प्रेरि पठएहु भवन दूरि करेहु संदेहु।।77।।
चौपाई
रिषिन्ह गौरि देखी तहँ कैसी। मूरतिमंत तपस्या जैसी।।
बोले मुनि सुनु सैलकुमारी। करहु कवन कारन तपु भारी।।
केहि अवराधहु का तुम्ह चहहू। हम सन सत्य मरमु किन कहहू।।
कहत बचत मनु अति सकुचाई। हँसिहहु सुनि हमारि जड़ताई।।
मनु हठ परा न सुनइ सिखावा। चहत बारि पर भीति उठावा।।
नारद कहा सत्य सोइ जाना। बिनु पंखन्ह हम चहहिं उड़ाना।।
देखहु मुनि अबिबेकु हमारा। चाहिअ सदा सिवहि भरतारा।।
चौपाई
kaha siva jadapi ucita asa nāhīṃ. nātha bacana puni mēṭi na jāhīṃ..
sira dhari āyasu karia tumhārā. parama dharamu yaha nātha hamārā..
mātu pitā gura prabhu kai bānī. binahiṃ bicāra karia subha jānī..
tumha saba bhāomti parama hitakārī. agyā sira para nātha tumhārī..
prabhu tōṣēu suni saṃkara bacanā. bhakti bibēka dharma juta racanā..
kaha prabhu hara tumhāra pana rahēū. aba ura rākhēhu jō hama kahēū..
aṃtaradhāna bhaē asa bhāṣī. saṃkara sōi mūrati ura rākhī..
tabahiṃ saptariṣi siva pahiṃ āē. bōlē prabhu ati bacana suhāē..
चौपाई
riṣinha gauri dēkhī tahaom kaisī. mūratimaṃta tapasyā jaisī..
bōlē muni sunu sailakumārī. karahu kavana kārana tapu bhārī..
kēhi avarādhahu kā tumha cahahū. hama sana satya maramu kina kahahū..
kahata bacata manu ati sakucāī. haomsihahu suni hamāri jaḍatāī..
manu haṭha parā na sunai sikhāvā. cahata bāri para bhīti uṭhāvā..
nārada kahā satya sōi jānā. binu paṃkhanha hama cahahiṃ uḍaānā..
dēkhahu muni abibēku hamārā. cāhia sadā sivahi bharatārā..
