चौपाई
सब के हृदयँ मदन अभिलाषा। लता निहारि नवहिं तरु साखा।।
नदीं उमगि अंबुधि कहुँ धाई। संगम करहिं तलाव तलाई।।
जहँ असि दसा जड़न्ह कै बरनी। को कहि सकइ सचेतन करनी।।
पसु पच्छी नभ जल थलचारी। भए कामबस समय बिसारी।।
मदन अंध ब्याकुल सब लोका। निसि दिनु नहिं अवलोकहिं कोका।।
देव दनुज नर किंनर ब्याला। प्रेत पिसाच भूत बेताला।।
इन्ह कै दसा न कहेउँ बखानी। सदा काम के चेरे जानी।।
सिद्ध बिरक्त महामुनि जोगी। तेपि कामबस भए बियोगी।।
चौपाई
उभय घरी अस कौतुक भयऊ। जौ लगि कामु संभु पहिं गयऊ।।
सिवहि बिलोकि ससंकेउ मारू। भयउ जथाथिति सबु संसारू।।
भए तुरत सब जीव सुखारे। जिमि मद उतरि गएँ मतवारे।।
रुद्रहि देखि मदन भय माना। दुराधरष दुर्गम भगवाना।।
फिरत लाज कछु करि नहिं जाई। मरनु ठानि मन रचेसि उपाई।।
प्रगटेसि तुरत रुचिर रितुराजा। कुसुमित नव तरु राजि बिराजा।।
बन उपबन बापिका तड़ागा। परम सुभग सब दिसा बिभागा।।
जहँ तहँ जनु उमगत अनुरागा। देखि मुएहुँ मन मनसिज जागा।।
चौपाई
saba kē hṛdayaom madana abhilāṣā. latā nihāri navahiṃ taru sākhā..
nadīṃ umagi aṃbudhi kahuom dhāī. saṃgama karahiṃ talāva talāī..
jahaom asi dasā jaḍanha kai baranī. kō kahi sakai sacētana karanī..
pasu pacchī nabha jala thalacārī. bhaē kāmabasa samaya bisārī..
madana aṃdha byākula saba lōkā. nisi dinu nahiṃ avalōkahiṃ kōkā..
dēva danuja nara kiṃnara byālā. prēta pisāca bhūta bētālā..
inha kai dasā na kahēuom bakhānī. sadā kāma kē cērē jānī..
siddha birakta mahāmuni jōgī. tēpi kāmabasa bhaē biyōgī..
चौपाई
ubhaya gharī asa kautuka bhayaū. jau lagi kāmu saṃbhu pahiṃ gayaū..
sivahi bilōki sasaṃkēu mārū. bhayau jathāthiti sabu saṃsārū..
bhaē turata saba jīva sukhārē. jimi mada utari gaēom matavārē..
rudrahi dēkhi madana bhaya mānā. durādharaṣa durgama bhagavānā..
phirata lāja kachu kari nahiṃ jāī. maranu ṭhāni mana racēsi upāī..
pragaṭēsi turata rucira riturājā. kusumita nava taru rāji birājā..
bana upabana bāpikā taḍaāgā. parama subhaga saba disā bibhāgā..
jahaom tahaom janu umagata anurāgā. dēkhi muēhuom mana manasija jāgā..
