चौपाई
देखि रसाल बिटप बर साखा। तेहि पर चढ़ेउ मदनु मन माखा।।
सुमन चाप निज सर संधाने। अति रिस ताकि श्रवन लगि ताने।।
छाड़े बिषम बिसिख उर लागे। छुटि समाधि संभु तब जागे।।
भयउ ईस मन छोभु बिसेषी। नयन उघारि सकल दिसि देखी।।
सौरभ पल्लव मदनु बिलोका। भयउ कोपु कंपेउ त्रैलोका।।
तब सिवँ तीसर नयन उघारा। चितवत कामु भयउ जरि छारा।।
हाहाकार भयउ जग भारी। डरपे सुर भए असुर सुखारी।।
समुझि कामसुखु सोचहिं भोगी। भए अकंटक साधक जोगी।।
चौपाई
जब जदुबंस कृष्न अवतारा। होइहि हरन महा महिभारा।।
कृष्न तनय होइहि पति तोरा। बचनु अन्यथा होइ न मोरा।।
रति गवनी सुनि संकर बानी। कथा अपर अब कहउँ बखानी।।
देवन्ह समाचार सब पाए। ब्रह्मादिक बैकुंठ सिधाए।।
सब सुर बिष्नु बिरंचि समेता। गए जहाँ सिव कृपानिकेता।।
पृथक पृथक तिन्ह कीन्हि प्रसंसा। भए प्रसन्न चंद्र अवतंसा।।
बोले कृपासिंधु बृषकेतू। कहहु अमर आए केहि हेतू।।
कह बिधि तुम्ह प्रभु अंतरजामी। तदपि भगति बस बिनवउँ स्वामी।।
दोहा/सोरठा
सकल सुरन्ह के हृदयँ अस संकर परम उछाहु।
निज नयनन्हि देखा चहहिं नाथ तुम्हार बिबाहु।।88।।
चौपाई
dēkhi rasāla biṭapa bara sākhā. tēhi para caḍhaēu madanu mana mākhā..
sumana cāpa nija sara saṃdhānē. ati risa tāki śravana lagi tānē..
chāḍaē biṣama bisikha ura lāgē. chuṭi samādhi saṃbhu taba jāgē..
bhayau īsa mana chōbhu bisēṣī. nayana ughāri sakala disi dēkhī..
saurabha pallava madanu bilōkā. bhayau kōpu kaṃpēu trailōkā..
taba sivaom tīsara nayana ughārā. citavata kāmu bhayau jari chārā..
hāhākāra bhayau jaga bhārī. ḍarapē sura bhaē asura sukhārī..
samujhi kāmasukhu sōcahiṃ bhōgī. bhaē akaṃṭaka sādhaka jōgī..
चौपाई
jaba jadubaṃsa kṛṣna avatārā. hōihi harana mahā mahibhārā..
kṛṣna tanaya hōihi pati tōrā. bacanu anyathā hōi na mōrā..
rati gavanī suni saṃkara bānī. kathā apara aba kahauom bakhānī..
dēvanha samācāra saba pāē. brahmādika baikuṃṭha sidhāē..
saba sura biṣnu biraṃci samētā. gaē jahāom siva kṛpānikētā..
pṛthaka pṛthaka tinha kīnhi prasaṃsā. bhaē prasanna caṃdra avataṃsā..
bōlē kṛpāsiṃdhu bṛṣakētū. kahahu amara āē kēhi hētū..
kaha bidhi tumha prabhu aṃtarajāmī. tadapi bhagati basa binavauom svāmī..
