चौपाई
तब मयना हिमवंतु अनंदे। पुनि पुनि पारबती पद बंदे।।
नारि पुरुष सिसु जुबा सयाने। नगर लोग सब अति हरषाने।।
लगे होन पुर मंगलगाना। सजे सबहि हाटक घट नाना।।
भाँति अनेक भई जेवराना। सूपसास्त्र जस कछु ब्यवहारा।।
सो जेवनार कि जाइ बखानी। बसहिं भवन जेहिं मातु भवानी।।
सादर बोले सकल बराती। बिष्नु बिरंचि देव सब जाती।।
बिबिधि पाँति बैठी जेवनारा। लागे परुसन निपुन सुआरा।।
नारिबृंद सुर जेवँत जानी। लगीं देन गारीं मृदु बानी।।
चौपाई
बोलि सकल सुर सादर लीन्हे। सबहि जथोचित आसन दीन्हे।।
बेदी बेद बिधान सँवारी। सुभग सुमंगल गावहिं नारी।।
सिंघासनु अति दिब्य सुहावा। जाइ न बरनि बिरंचि बनावा।।
बैठे सिव बिप्रन्ह सिरु नाई। हृदयँ सुमिरि निज प्रभु रघुराई।।
बहुरि मुनीसन्ह उमा बोलाई। करि सिंगारु सखीं लै आई।।
देखत रूपु सकल सुर मोहे। बरनै छबि अस जग कबि को है।।
जगदंबिका जानि भव भामा। सुरन्ह मनहिं मन कीन्ह प्रनामा।।
सुंदरता मरजाद भवानी। जाइ न कोटिहुँ बदन बखानी।।
चौपाई
taba mayanā himavaṃtu anaṃdē. puni puni pārabatī pada baṃdē..
nāri puruṣa sisu jubā sayānē. nagara lōga saba ati haraṣānē..
lagē hōna pura maṃgalagānā. sajē sabahi hāṭaka ghaṭa nānā..
bhāomti anēka bhaī jēvarānā. sūpasāstra jasa kachu byavahārā..
sō jēvanāra ki jāi bakhānī. basahiṃ bhavana jēhiṃ mātu bhavānī..
sādara bōlē sakala barātī. biṣnu biraṃci dēva saba jātī..
bibidhi pāomti baiṭhī jēvanārā. lāgē parusana nipuna suārā..
nāribṛṃda sura jēvaomta jānī. lagīṃ dēna gārīṃ mṛdu bānī..
चौपाई
bōli sakala sura sādara līnhē. sabahi jathōcita āsana dīnhē..
bēdī bēda bidhāna saomvārī. subhaga sumaṃgala gāvahiṃ nārī..
siṃghāsanu ati dibya suhāvā. jāi na barani biraṃci banāvā..
baiṭhē siva bipranha siru nāī. hṛdayaom sumiri nija prabhu raghurāī..
bahuri munīsanha umā bōlāī. kari siṃgāru sakhīṃ lai āī..
dēkhata rūpu sakala sura mōhē. baranai chabi asa jaga kabi kō hai..
jagadaṃbikā jāni bhava bhāmā. suranha manahiṃ mana kīnha pranāmā..
suṃdaratā marajāda bhavānī. jāi na kōṭihuom badana bakhānī..
