चौपाई
मैं जाना तुम्हार गुन सीला। कहउँ सुनहु अब रघुपति लीला।।
सुनु मुनि आजु समागम तोरें। कहि न जाइ जस सुखु मन मोरें।।
राम चरित अति अमित मुनिसा। कहि न सकहिं सत कोटि अहीसा।।
तदपि जथाश्रुत कहउँ बखानी। सुमिरि गिरापति प्रभु धनुपानी।।
सारद दारुनारि सम स्वामी। रामु सूत्रधर अंतरजामी।।
जेहि पर कृपा करहिं जनु जानी। कबि उर अजिर नचावहिं बानी।।
प्रनवउँ सोइ कृपाल रघुनाथा। बरनउँ बिसद तासु गुन गाथा।।
परम रम्य गिरिबरु कैलासू। सदा जहाँ सिव उमा निवासू।।
दोहा/सोरठा
सिद्ध तपोधन जोगिजन सूर किंनर मुनिबृंद।
बसहिं तहाँ सुकृती सकल सेवहिं सिब सुखकंद।।105।।
चौपाई
हरि हर बिमुख धर्म रति नाहीं। ते नर तहँ सपनेहुँ नहिं जाहीं।।
तेहि गिरि पर बट बिटप बिसाला। नित नूतन सुंदर सब काला।।
त्रिबिध समीर सुसीतलि छाया। सिव बिश्राम बिटप श्रुति गाया।।
एक बार तेहि तर प्रभु गयऊ। तरु बिलोकि उर अति सुखु भयऊ।।
निज कर डासि नागरिपु छाला। बैठै सहजहिं संभु कृपाला।।
कुंद इंदु दर गौर सरीरा। भुज प्रलंब परिधन मुनिचीरा।।
तरुन अरुन अंबुज सम चरना। नख दुति भगत हृदय तम हरना।।
भुजग भूति भूषन त्रिपुरारी। आननु सरद चंद छबि हारी।।
दोहा/सोरठा
जटा मुकुट सुरसरित सिर लोचन नलिन बिसाल।
नीलकंठ लावन्यनिधि सोह बालबिधु भाल।।106।।
चौपाई
maiṃ jānā tumhāra guna sīlā. kahauom sunahu aba raghupati līlā..
sunu muni āju samāgama tōrēṃ. kahi na jāi jasa sukhu mana mōrēṃ..
rāma carita ati amita munisā. kahi na sakahiṃ sata kōṭi ahīsā..
tadapi jathāśruta kahauom bakhānī. sumiri girāpati prabhu dhanupānī..
sārada dārunāri sama svāmī. rāmu sūtradhara aṃtarajāmī..
jēhi para kṛpā karahiṃ janu jānī. kabi ura ajira nacāvahiṃ bānī..
pranavauom sōi kṛpāla raghunāthā. baranauom bisada tāsu guna gāthā..
parama ramya giribaru kailāsū. sadā jahāom siva umā nivāsū..
चौपाई
hari hara bimukha dharma rati nāhīṃ. tē nara tahaom sapanēhuom nahiṃ jāhīṃ..
tēhi giri para baṭa biṭapa bisālā. nita nūtana suṃdara saba kālā..
tribidha samīra susītali chāyā. siva biśrāma biṭapa śruti gāyā..
ēka bāra tēhi tara prabhu gayaū. taru bilōki ura ati sukhu bhayaū..
nija kara ḍāsi nāgaripu chālā. baiṭhai sahajahiṃ saṃbhu kṛpālā..
kuṃda iṃdu dara gaura sarīrā. bhuja pralaṃba paridhana municīrā..
taruna aruna aṃbuja sama caranā. nakha duti bhagata hṛdaya tama haranā..
bhujaga bhūti bhūṣana tripurārī. ānanu sarada caṃda chabi hārī..
