चौपाई
बैठे सोह कामरिपु कैसें। धरें सरीरु सांतरसु जैसें।।
पारबती भल अवसरु जानी। गई संभु पहिं मातु भवानी।।
जानि प्रिया आदरु अति कीन्हा। बाम भाग आसनु हर दीन्हा।।
बैठीं सिव समीप हरषाई। पूरुब जन्म कथा चित आई।।
पति हियँ हेतु अधिक अनुमानी। बिहसि उमा बोलीं प्रिय बानी।।
कथा जो सकल लोक हितकारी। सोइ पूछन चह सैलकुमारी।।
बिस्वनाथ मम नाथ पुरारी। त्रिभुवन महिमा बिदित तुम्हारी।।
चर अरु अचर नाग नर देवा। सकल करहिं पद पंकज सेवा।।
दोहा/सोरठा
प्रभु समरथ सर्बग्य सिव सकल कला गुन धाम।।
जोग ग्यान बैराग्य निधि प्रनत कलपतरु नाम।।107।।
चौपाई
जौं मो पर प्रसन्न सुखरासी। जानिअ सत्य मोहि निज दासी।।
तौं प्रभु हरहु मोर अग्याना। कहि रघुनाथ कथा बिधि नाना।।
जासु भवनु सुरतरु तर होई। सहि कि दरिद्र जनित दुखु सोई।।
ससिभूषन अस हृदयँ बिचारी। हरहु नाथ मम मति भ्रम भारी।।
प्रभु जे मुनि परमारथबादी। कहहिं राम कहुँ ब्रह्म अनादी।।
सेस सारदा बेद पुराना। सकल करहिं रघुपति गुन गाना।।
तुम्ह पुनि राम राम दिन राती। सादर जपहु अनँग आराती।।
रामु सो अवध नृपति सुत सोई। की अज अगुन अलखगति कोई।।
दोहा/सोरठा
जौं नृप तनय त ब्रह्म किमि नारि बिरहँ मति भोरि।
देख चरित महिमा सुनत भ्रमति बुद्धि अति मोरि।।108।।
चौपाई
baiṭhē sōha kāmaripu kaisēṃ. dharēṃ sarīru sāṃtarasu jaisēṃ..
pārabatī bhala avasaru jānī. gaī saṃbhu pahiṃ mātu bhavānī..
jāni priyā ādaru ati kīnhā. bāma bhāga āsanu hara dīnhā..
baiṭhīṃ siva samīpa haraṣāī. pūruba janma kathā cita āī..
pati hiyaom hētu adhika anumānī. bihasi umā bōlīṃ priya bānī..
kathā jō sakala lōka hitakārī. sōi pūchana caha sailakumārī..
bisvanātha mama nātha purārī. tribhuvana mahimā bidita tumhārī..
cara aru acara nāga nara dēvā. sakala karahiṃ pada paṃkaja sēvā..
चौपाई
jauṃ mō para prasanna sukharāsī. jānia satya mōhi nija dāsī..
tauṃ prabhu harahu mōra agyānā. kahi raghunātha kathā bidhi nānā..
jāsu bhavanu surataru tara hōī. sahi ki daridra janita dukhu sōī..
sasibhūṣana asa hṛdayaom bicārī. harahu nātha mama mati bhrama bhārī..
prabhu jē muni paramārathabādī. kahahiṃ rāma kahuom brahma anādī..
sēsa sāradā bēda purānā. sakala karahiṃ raghupati guna gānā..
tumha puni rāma rāma dina rātī. sādara japahu anaomga ārātī..
rāmu sō avadha nṛpati suta sōī. kī aja aguna alakhagati kōī..
