चौपाई
जेहि दिसि बैठे नारद फूली। सो दिसि देहि न बिलोकी भूली।।
पुनि पुनि मुनि उकसहिं अकुलाहीं। देखि दसा हर गन मुसकाहीं।।
धरि नृपतनु तहँ गयउ कृपाला। कुअँरि हरषि मेलेउ जयमाला।।
दुलहिनि लै गे लच्छिनिवासा। नृपसमाज सब भयउ निरासा।।
मुनि अति बिकल मोंहँ मति नाठी। मनि गिरि गई छूटि जनु गाँठी।।
तब हर गन बोले मुसुकाई। निज मुख मुकुर बिलोकहु जाई।।
अस कहि दोउ भागे भयँ भारी। बदन दीख मुनि बारि निहारी।।
बेषु बिलोकि क्रोध अति बाढ़ा। तिन्हहि सराप दीन्ह अति गाढ़ा।।
दोहा/सोरठा
होहु निसाचर जाइ तुम्ह कपटी पापी दोउ।
हँसेहु हमहि सो लेहु फल बहुरि हँसेहु मुनि कोउ।।135।।
चौपाई
पुनि जल दीख रूप निज पावा। तदपि हृदयँ संतोष न आवा।।
फरकत अधर कोप मन माहीं। सपदी चले कमलापति पाहीं।।
देहउँ श्राप कि मरिहउँ जाई। जगत मोर उपहास कराई।।
बीचहिं पंथ मिले दनुजारी। संग रमा सोइ राजकुमारी।।
बोले मधुर बचन सुरसाईं। मुनि कहँ चले बिकल की नाईं।।
सुनत बचन उपजा अति क्रोधा। माया बस न रहा मन बोधा।।
पर संपदा सकहु नहिं देखी। तुम्हरें इरिषा कपट बिसेषी।।
मथत सिंधु रुद्रहि बौरायहु। सुरन्ह प्रेरी बिष पान करायहु।।
दोहा/सोरठा
असुर सुरा बिष संकरहि आपु रमा मनि चारु।
स्वारथ साधक कुटिल तुम्ह सदा कपट ब्यवहारु।।136।।
चौपाई
jēhi disi baiṭhē nārada phūlī. sō disi dēhi na bilōkī bhūlī..
puni puni muni ukasahiṃ akulāhīṃ. dēkhi dasā hara gana musakāhīṃ..
dhari nṛpatanu tahaom gayau kṛpālā. kuaomri haraṣi mēlēu jayamālā..
dulahini lai gē lacchinivāsā. nṛpasamāja saba bhayau nirāsā..
muni ati bikala mōṃhaom mati nāṭhī. mani giri gaī chūṭi janu gāomṭhī..
taba hara gana bōlē musukāī. nija mukha mukura bilōkahu jāī..
asa kahi dōu bhāgē bhayaom bhārī. badana dīkha muni bāri nihārī..
bēṣu bilōki krōdha ati bāḍhaā. tinhahi sarāpa dīnha ati gāḍhaā..
चौपाई
puni jala dīkha rūpa nija pāvā. tadapi hṛdayaom saṃtōṣa na āvā..
pharakata adhara kōpa mana māhīṃ. sapadī calē kamalāpati pāhīṃ..
dēhauom śrāpa ki marihauom jāī. jagata mōra upahāsa karāī..
bīcahiṃ paṃtha milē danujārī. saṃga ramā sōi rājakumārī..
bōlē madhura bacana surasāīṃ. muni kahaom calē bikala kī nāīṃ..
sunata bacana upajā ati krōdhā. māyā basa na rahā mana bōdhā..
para saṃpadā sakahu nahiṃ dēkhī. tumharēṃ iriṣā kapaṭa bisēṣī..
mathata siṃdhu rudrahi baurāyahu. suranha prērī biṣa pāna karāyahu..
