चौपाई
परम स्वतंत्र न सिर पर कोई। भावइ मनहि करहु तुम्ह सोई।।
भलेहि मंद मंदेहि भल करहू। बिसमय हरष न हियँ कछु धरहू।।
डहकि डहकि परिचेहु सब काहू। अति असंक मन सदा उछाहू।।
करम सुभासुभ तुम्हहि न बाधा। अब लगि तुम्हहि न काहूँ साधा।।
भले भवन अब बायन दीन्हा। पावहुगे फल आपन कीन्हा।।
बंचेहु मोहि जवनि धरि देहा। सोइ तनु धरहु श्राप मम एहा।।
कपि आकृति तुम्ह कीन्हि हमारी। करिहहिं कीस सहाय तुम्हारी।।
मम अपकार कीन्ही तुम्ह भारी। नारी बिरहँ तुम्ह होब दुखारी।।
दोहा/सोरठा
श्राप सीस धरी हरषि हियँ प्रभु बहु बिनती कीन्हि।
निज माया कै प्रबलता करषि कृपानिधि लीन्हि।।137।।
चौपाई
जब हरि माया दूरि निवारी। नहिं तहँ रमा न राजकुमारी।।
तब मुनि अति सभीत हरि चरना। गहे पाहि प्रनतारति हरना।।
मृषा होउ मम श्राप कृपाला। मम इच्छा कह दीनदयाला।।
मैं दुर्बचन कहे बहुतेरे। कह मुनि पाप मिटिहिं किमि मेरे।।
जपहु जाइ संकर सत नामा। होइहि हृदयँ तुरंत बिश्रामा।।
कोउ नहिं सिव समान प्रिय मोरें। असि परतीति तजहु जनि भोरें।।
जेहि पर कृपा न करहिं पुरारी। सो न पाव मुनि भगति हमारी।।
अस उर धरि महि बिचरहु जाई। अब न तुम्हहि माया निअराई।।
दोहा/सोरठा
बहुबिधि मुनिहि प्रबोधि प्रभु तब भए अंतरधान।।
सत्यलोक नारद चले करत राम गुन गान।।138।।
चौपाई
parama svataṃtra na sira para kōī. bhāvai manahi karahu tumha sōī..
bhalēhi maṃda maṃdēhi bhala karahū. bisamaya haraṣa na hiyaom kachu dharahū..
ḍahaki ḍahaki paricēhu saba kāhū. ati asaṃka mana sadā uchāhū..
karama subhāsubha tumhahi na bādhā. aba lagi tumhahi na kāhūom sādhā..
bhalē bhavana aba bāyana dīnhā. pāvahugē phala āpana kīnhā..
baṃcēhu mōhi javani dhari dēhā. sōi tanu dharahu śrāpa mama ēhā..
kapi ākṛti tumha kīnhi hamārī. karihahiṃ kīsa sahāya tumhārī..
mama apakāra kīnhī tumha bhārī. nārī birahaom tumha hōba dukhārī..
चौपाई
jaba hari māyā dūri nivārī. nahiṃ tahaom ramā na rājakumārī..
taba muni ati sabhīta hari caranā. gahē pāhi pranatārati haranā..
mṛṣā hōu mama śrāpa kṛpālā. mama icchā kaha dīnadayālā..
maiṃ durbacana kahē bahutērē. kaha muni pāpa miṭihiṃ kimi mērē..
japahu jāi saṃkara sata nāmā. hōihi hṛdayaom turaṃta biśrāmā..
kōu nahiṃ siva samāna priya mōrēṃ. asi paratīti tajahu jani bhōrēṃ..
jēhi para kṛpā na karahiṃ purārī. sō na pāva muni bhagati hamārī..
asa ura dhari mahi bicarahu jāī. aba na tumhahi māyā niarāī..
