चौपाई
बरष सहस दस त्यागेउ सोऊ। ठाढ़े रहे एक पद दोऊ।।
बिधि हरि तप देखि अपारा। मनु समीप आए बहु बारा।।
मागहु बर बहु भाँति लोभाए। परम धीर नहिं चलहिं चलाए।।
अस्थिमात्र होइ रहे सरीरा। तदपि मनाग मनहिं नहिं पीरा।।
प्रभु सर्बग्य दास निज जानी। गति अनन्य तापस नृप रानी।।
मागु मागु बरु भै नभ बानी। परम गभीर कृपामृत सानी।।
मृतक जिआवनि गिरा सुहाई। श्रबन रंध्र होइ उर जब आई।।
ह्रष्टपुष्ट तन भए सुहाए। मानहुँ अबहिं भवन ते आए।।
दोहा/सोरठा
श्रवन सुधा सम बचन सुनि पुलक प्रफुल्लित गात।
बोले मनु करि दंडवत प्रेम न हृदयँ समात।।145।।
चौपाई
सुनु सेवक सुरतरु सुरधेनु। बिधि हरि हर बंदित पद रेनू।।
सेवत सुलभ सकल सुख दायक। प्रनतपाल सचराचर नायक।।
जौं अनाथ हित हम पर नेहू। तौ प्रसन्न होइ यह बर देहू।।
जो सरूप बस सिव मन माहीं। जेहि कारन मुनि जतन कराहीं।।
जो भुसुंडि मन मानस हंसा। सगुन अगुन जेहि निगम प्रसंसा।।
देखहिं हम सो रूप भरि लोचन। कृपा करहु प्रनतारति मोचन।।
दंपति बचन परम प्रिय लागे। मुदुल बिनीत प्रेम रस पागे।।
भगत बछल प्रभु कृपानिधाना। बिस्वबास प्रगटे भगवाना।।
दोहा/सोरठा
नील सरोरुह नील मनि नील नीरधर स्याम।
लाजहिं तन सोभा निरखि कोटि कोटि सत काम।।146।।
चौपाई
baraṣa sahasa dasa tyāgēu sōū. ṭhāḍhaē rahē ēka pada dōū..
bidhi hari tapa dēkhi apārā. manu samīpa āē bahu bārā..
māgahu bara bahu bhāomti lōbhāē. parama dhīra nahiṃ calahiṃ calāē..
asthimātra hōi rahē sarīrā. tadapi manāga manahiṃ nahiṃ pīrā..
prabhu sarbagya dāsa nija jānī. gati ananya tāpasa nṛpa rānī..
māgu māgu baru bhai nabha bānī. parama gabhīra kṛpāmṛta sānī..
mṛtaka jiāvani girā suhāī. śrabana raṃdhra hōi ura jaba āī..
hraṣṭapuṣṭa tana bhaē suhāē. mānahuom abahiṃ bhavana tē āē..
चौपाई
sunu sēvaka surataru suradhēnu. bidhi hari hara baṃdita pada rēnū..
sēvata sulabha sakala sukha dāyaka. pranatapāla sacarācara nāyaka..
jauṃ anātha hita hama para nēhū. tau prasanna hōi yaha bara dēhū..
jō sarūpa basa siva mana māhīṃ. jēhi kārana muni jatana karāhīṃ..
jō bhusuṃḍi mana mānasa haṃsā. saguna aguna jēhi nigama prasaṃsā..
dēkhahiṃ hama sō rūpa bhari lōcana. kṛpā karahu pranatārati mōcana..
daṃpati bacana parama priya lāgē. mudula binīta prēma rasa pāgē..
bhagata bachala prabhu kṛpānidhānā. bisvabāsa pragaṭē bhagavānā..
