चौपाई
बरबस राज सुतहि तब दीन्हा। नारि समेत गवन बन कीन्हा।।
तीरथ बर नैमिष बिख्याता। अति पुनीत साधक सिधि दाता।।
बसहिं तहाँ मुनि सिद्ध समाजा। तहँ हियँ हरषि चलेउ मनु राजा।।
पंथ जात सोहहिं मतिधीरा। ग्यान भगति जनु धरें सरीरा।।
पहुँचे जाइ धेनुमति तीरा। हरषि नहाने निरमल नीरा।।
आए मिलन सिद्ध मुनि ग्यानी। धरम धुरंधर नृपरिषि जानी।।
जहँ जँह तीरथ रहे सुहाए। मुनिन्ह सकल सादर करवाए।।
कृस सरीर मुनिपट परिधाना। सत समाज नित सुनहिं पुराना ।
दोहा/सोरठा
द्वादस अच्छर मंत्र पुनि जपहिं सहित अनुराग।
बासुदेव पद पंकरुह दंपति मन अति लाग।।143।।
चौपाई
करहिं अहार साक फल कंदा। सुमिरहिं ब्रह्म सच्चिदानंदा।।
पुनि हरि हेतु करन तप लागे। बारि अधार मूल फल त्यागे।।
उर अभिलाष निंरंतर होई। देखअ नयन परम प्रभु सोई।।
अगुन अखंड अनंत अनादी। जेहि चिंतहिं परमारथबादी।।
नेति नेति जेहि बेद निरूपा। निजानंद निरुपाधि अनूपा।।
संभु बिरंचि बिष्नु भगवाना। उपजहिं जासु अंस तें नाना।।
ऐसेउ प्रभु सेवक बस अहई। भगत हेतु लीलातनु गहई।।
जौं यह बचन सत्य श्रुति भाषा। तौ हमार पूजहि अभिलाषा।।
दोहा/सोरठा
एहि बिधि बीतें बरष षट सहस बारि आहार।
संबत सप्त सहस्त्र पुनि रहे समीर अधार।।144।।
चौपाई
barabasa rāja sutahi taba dīnhā. nāri samēta gavana bana kīnhā..
tīratha bara naimiṣa bikhyātā. ati punīta sādhaka sidhi dātā..
basahiṃ tahāom muni siddha samājā. tahaom hiyaom haraṣi calēu manu rājā..
paṃtha jāta sōhahiṃ matidhīrā. gyāna bhagati janu dharēṃ sarīrā..
pahuomcē jāi dhēnumati tīrā. haraṣi nahānē niramala nīrā..
āē milana siddha muni gyānī. dharama dhuraṃdhara nṛpariṣi jānī..
jahaom jaomha tīratha rahē suhāē. muninha sakala sādara karavāē..
kṛsa sarīra munipaṭa paridhānā. sata samāja nita sunahiṃ purānā .
चौपाई
karahiṃ ahāra sāka phala kaṃdā. sumirahiṃ brahma saccidānaṃdā..
puni hari hētu karana tapa lāgē. bāri adhāra mūla phala tyāgē..
ura abhilāṣa niṃraṃtara hōī. dēkhaa nayana parama prabhu sōī..
aguna akhaṃḍa anaṃta anādī. jēhi ciṃtahiṃ paramārathabādī..
nēti nēti jēhi bēda nirūpā. nijānaṃda nirupādhi anūpā..
saṃbhu biraṃci biṣnu bhagavānā. upajahiṃ jāsu aṃsa tēṃ nānā..
aisēu prabhu sēvaka basa ahaī. bhagata hētu līlātanu gahaī..
jauṃ yaha bacana satya śruti bhāṣā. tau hamāra pūjahi abhilāṣā..
