चौपाई
इंद्रजीत सन जो कछु कहेऊ। सो सब जनु पहिलेहिं करि रहेऊ।।
प्रथमहिं जिन्ह कहुँ आयसु दीन्हा। तिन्ह कर चरित सुनहु जो कीन्हा।।
देखत भीमरूप सब पापी। निसिचर निकर देव परितापी।।
करहि उपद्रव असुर निकाया। नाना रूप धरहिं करि माया।।
जेहि बिधि होइ धर्म निर्मूला। सो सब करहिं बेद प्रतिकूला।।
जेहिं जेहिं देस धेनु द्विज पावहिं। नगर गाउँ पुर आगि लगावहिं।।
सुभ आचरन कतहुँ नहिं होई। देव बिप्र गुरू मान न कोई।।
नहिं हरिभगति जग्य तप ग्याना। सपनेहुँ सुनिअ न बेद पुराना।।
चौपाई
बाढ़े खल बहु चोर जुआरा। जे लंपट परधन परदारा।।
मानहिं मातु पिता नहिं देवा। साधुन्ह सन करवावहिं सेवा।।
जिन्ह के यह आचरन भवानी। ते जानेहु निसिचर सब प्रानी।।
अतिसय देखि धर्म कै ग्लानी। परम सभीत धरा अकुलानी।।
गिरि सरि सिंधु भार नहिं मोही। जस मोहि गरुअ एक परद्रोही।।
सकल धर्म देखइ बिपरीता। कहि न सकइ रावन भय भीता।।
धेनु रूप धरि हृदयँ बिचारी। गई तहाँ जहँ सुर मुनि झारी।।
निज संताप सुनाएसि रोई। काहू तें कछु काज न होई।।
चौपाई
iṃdrajīta sana jō kachu kahēū. sō saba janu pahilēhiṃ kari rahēū..
prathamahiṃ jinha kahuom āyasu dīnhā. tinha kara carita sunahu jō kīnhā..
dēkhata bhīmarūpa saba pāpī. nisicara nikara dēva paritāpī..
karahi upadrava asura nikāyā. nānā rūpa dharahiṃ kari māyā..
jēhi bidhi hōi dharma nirmūlā. sō saba karahiṃ bēda pratikūlā..
jēhiṃ jēhiṃ dēsa dhēnu dvija pāvahiṃ. nagara gāuom pura āgi lagāvahiṃ..
subha ācarana katahuom nahiṃ hōī. dēva bipra gurū māna na kōī..
nahiṃ haribhagati jagya tapa gyānā. sapanēhuom sunia na bēda purānā..
चौपाई
bāḍhaē khala bahu cōra juārā. jē laṃpaṭa paradhana paradārā..
mānahiṃ mātu pitā nahiṃ dēvā. sādhunha sana karavāvahiṃ sēvā..
jinha kē yaha ācarana bhavānī. tē jānēhu nisicara saba prānī..
atisaya dēkhi dharma kai glānī. parama sabhīta dharā akulānī..
giri sari siṃdhu bhāra nahiṃ mōhī. jasa mōhi garua ēka paradrōhī..
sakala dharma dēkhai biparītā. kahi na sakai rāvana bhaya bhītā..
dhēnu rūpa dhari hṛdayaom bicārī. gaī tahāom jahaom sura muni jhārī..
nija saṃtāpa sunāēsi rōī. kāhū tēṃ kachu kāja na hōī..
