चौपाई
कामरूप जानहिं सब माया। सपनेहुँ जिन्ह कें धरम न दाया।।
दसमुख बैठ सभाँ एक बारा। देखि अमित आपन परिवारा।।
सुत समूह जन परिजन नाती। गे को पार निसाचर जाती।।
सेन बिलोकि सहज अभिमानी। बोला बचन क्रोध मद सानी।।
सुनहु सकल रजनीचर जूथा। हमरे बैरी बिबुध बरूथा।।
ते सनमुख नहिं करही लराई। देखि सबल रिपु जाहिं पराई।।
तेन्ह कर मरन एक बिधि होई। कहउँ बुझाइ सुनहु अब सोई।।
द्विजभोजन मख होम सराधा।।सब कै जाइ करहु तुम्ह बाधा।।
दोहा/सोरठा
छुधा छीन बलहीन सुर सहजेहिं मिलिहहिं आइ।
तब मारिहउँ कि छाड़िहउँ भली भाँति अपनाइ।।181।।
चौपाई
मेघनाद कहुँ पुनि हँकरावा। दीन्ही सिख बलु बयरु बढ़ावा।।
जे सुर समर धीर बलवाना। जिन्ह कें लरिबे कर अभिमाना।।
तिन्हहि जीति रन आनेसु बाँधी। उठि सुत पितु अनुसासन काँधी।।
एहि बिधि सबही अग्या दीन्ही। आपुनु चलेउ गदा कर लीन्ही।।
चलत दसानन डोलति अवनी। गर्जत गर्भ स्त्रवहिं सुर रवनी।।
रावन आवत सुनेउ सकोहा। देवन्ह तके मेरु गिरि खोहा।।
दिगपालन्ह के लोक सुहाए। सूने सकल दसानन पाए।।
पुनि पुनि सिंघनाद करि भारी। देइ देवतन्ह गारि पचारी।।
रन मद मत्त फिरइ जग धावा। प्रतिभट खौजत कतहुँ न पावा।।
रबि ससि पवन बरुन धनधारी। अगिनि काल जम सब अधिकारी।।
किंनर सिद्ध मनुज सुर नागा। हठि सबही के पंथहिं लागा।।
ब्रह्मसृष्टि जहँ लगि तनुधारी। दसमुख बसबर्ती नर नारी।।
आयसु करहिं सकल भयभीता। नवहिं आइ नित चरन बिनीता।।
दोहा/सोरठा
भुजबल बिस्व बस्य करि राखेसि कोउ न सुतंत्र।
मंडलीक मनि रावन राज करइ निज मंत्र।।182(क)।।
देव जच्छ गंधर्व नर किंनर नाग कुमारि।
जीति बरीं निज बाहुबल बहु सुंदर बर नारि।।182ख।।
चौपाई
kāmarūpa jānahiṃ saba māyā. sapanēhuom jinha kēṃ dharama na dāyā..
dasamukha baiṭha sabhāom ēka bārā. dēkhi amita āpana parivārā..
suta samūha jana parijana nātī. gē kō pāra nisācara jātī..
sēna bilōki sahaja abhimānī. bōlā bacana krōdha mada sānī..
sunahu sakala rajanīcara jūthā. hamarē bairī bibudha barūthā..
tē sanamukha nahiṃ karahī larāī. dēkhi sabala ripu jāhiṃ parāī..
tēnha kara marana ēka bidhi hōī. kahauom bujhāi sunahu aba sōī..
dvijabhōjana makha hōma sarādhā..saba kai jāi karahu tumha bādhā..
दोहा/सोरठा
chudhā chīna balahīna sura sahajēhiṃ milihahiṃ āi.
taba mārihauom ki chāḍaihauom bhalī bhāomti apanāi..181..
चौपाई
mēghanāda kahuom puni haomkarāvā. dīnhī sikha balu bayaru baḍhaāvā..
jē sura samara dhīra balavānā. jinha kēṃ laribē kara abhimānā..
tinhahi jīti rana ānēsu bāomdhī. uṭhi suta pitu anusāsana kāomdhī..
ēhi bidhi sabahī agyā dīnhī. āpunu calēu gadā kara līnhī..
calata dasānana ḍōlati avanī. garjata garbha stravahiṃ sura ravanī..
rāvana āvata sunēu sakōhā. dēvanha takē mēru giri khōhā..
digapālanha kē lōka suhāē. sūnē sakala dasānana pāē..
puni puni siṃghanāda kari bhārī. dēi dēvatanha gāri pacārī..
rana mada matta phirai jaga dhāvā. pratibhaṭa khaujata katahuom na pāvā..
rabi sasi pavana baruna dhanadhārī. agini kāla jama saba adhikārī..
kiṃnara siddha manuja sura nāgā. haṭhi sabahī kē paṃthahiṃ lāgā..
brahmasṛṣṭi jahaom lagi tanudhārī. dasamukha basabartī nara nārī..
āyasu karahiṃ sakala bhayabhītā. navahiṃ āi nita carana binītā..
