चौपाई
जनि डरपहु मुनि सिद्ध सुरेसा। तुम्हहि लागि धरिहउँ नर बेसा।।
अंसन्ह सहित मनुज अवतारा। लेहउँ दिनकर बंस उदारा।।
कस्यप अदिति महातप कीन्हा। तिन्ह कहुँ मैं पूरब बर दीन्हा।।
ते दसरथ कौसल्या रूपा। कोसलपुरीं प्रगट नरभूपा।।
तिन्ह के गृह अवतरिहउँ जाई। रघुकुल तिलक सो चारिउ भाई।।
नारद बचन सत्य सब करिहउँ। परम सक्ति समेत अवतरिहउँ।।
हरिहउँ सकल भूमि गरुआई। निर्भय होहु देव समुदाई।।
गगन ब्रह्मबानी सुनी काना। तुरत फिरे सुर हृदय जुड़ाना।।
तब ब्रह्मा धरनिहि समुझावा। अभय भई भरोस जियँ आवा।।
दोहा/सोरठा
निज लोकहि बिरंचि गे देवन्ह इहइ सिखाइ।
बानर तनु धरि धरि महि हरि पद सेवहु जाइ।।187।।
चौपाई
गए देव सब निज निज धामा। भूमि सहित मन कहुँ बिश्रामा ।
जो कछु आयसु ब्रह्माँ दीन्हा। हरषे देव बिलंब न कीन्हा।।
बनचर देह धरि छिति माहीं। अतुलित बल प्रताप तिन्ह पाहीं।।
गिरि तरु नख आयुध सब बीरा। हरि मारग चितवहिं मतिधीरा।।
गिरि कानन जहँ तहँ भरि पूरी। रहे निज निज अनीक रचि रूरी।।
यह सब रुचिर चरित मैं भाषा। अब सो सुनहु जो बीचहिं राखा।।
अवधपुरीं रघुकुलमनि राऊ। बेद बिदित तेहि दसरथ नाऊँ।।
धरम धुरंधर गुननिधि ग्यानी। हृदयँ भगति मति सारँगपानी।।
दोहा/सोरठा
कौसल्यादि नारि प्रिय सब आचरन पुनीत।
पति अनुकूल प्रेम दृढ़ हरि पद कमल बिनीत।।188।।
चौपाई
jani ḍarapahu muni siddha surēsā. tumhahi lāgi dharihauom nara bēsā..
aṃsanha sahita manuja avatārā. lēhauom dinakara baṃsa udārā..
kasyapa aditi mahātapa kīnhā. tinha kahuom maiṃ pūraba bara dīnhā..
tē dasaratha kausalyā rūpā. kōsalapurīṃ pragaṭa narabhūpā..
tinha kē gṛha avatarihauom jāī. raghukula tilaka sō cāriu bhāī..
nārada bacana satya saba karihauom. parama sakti samēta avatarihauom..
harihauom sakala bhūmi garuāī. nirbhaya hōhu dēva samudāī..
gagana brahmabānī sunī kānā. turata phirē sura hṛdaya juḍaānā..
taba brahmā dharanihi samujhāvā. abhaya bhaī bharōsa jiyaom āvā..
चौपाई
gaē dēva saba nija nija dhāmā. bhūmi sahita mana kahuom biśrāmā .
jō kachu āyasu brahmāom dīnhā. haraṣē dēva bilaṃba na kīnhā..
banacara dēha dhari chiti māhīṃ. atulita bala pratāpa tinha pāhīṃ..
giri taru nakha āyudha saba bīrā. hari māraga citavahiṃ matidhīrā..
giri kānana jahaom tahaom bhari pūrī. rahē nija nija anīka raci rūrī..
yaha saba rucira carita maiṃ bhāṣā. aba sō sunahu jō bīcahiṃ rākhā..
avadhapurīṃ raghukulamani rāū. bēda bidita tēhi dasaratha nāūom..
dharama dhuraṃdhara gunanidhi gyānī. hṛdayaom bhagati mati sāraomgapānī..
