चौपाई
एक बार भूपति मन माहीं। भै गलानि मोरें सुत नाहीं।।
गुर गृह गयउ तुरत महिपाला। चरन लागि करि बिनय बिसाला।।
निज दुख सुख सब गुरहि सुनायउ। कहि बसिष्ठ बहुबिधि समुझायउ।।
धरहु धीर होइहहिं सुत चारी। त्रिभुवन बिदित भगत भय हारी।।
सृंगी रिषहि बसिष्ठ बोलावा। पुत्रकाम सुभ जग्य करावा।।
भगति सहित मुनि आहुति दीन्हें। प्रगटे अगिनि चरू कर लीन्हें।।
जो बसिष्ठ कछु हृदयँ बिचारा। सकल काजु भा सिद्ध तुम्हारा।।
यह हबि बाँटि देहु नृप जाई। जथा जोग जेहि भाग बनाई।।
दोहा/सोरठा
तब अदृस्य भए पावक सकल सभहि समुझाइ।।
परमानंद मगन नृप हरष न हृदयँ समाइ।।189।।
चौपाई
तबहिं रायँ प्रिय नारि बोलाईं। कौसल्यादि तहाँ चलि आई।।
अर्ध भाग कौसल्याहि दीन्हा। उभय भाग आधे कर कीन्हा।।
कैकेई कहँ नृप सो दयऊ। रह्यो सो उभय भाग पुनि भयऊ।।
कौसल्या कैकेई हाथ धरि। दीन्ह सुमित्रहि मन प्रसन्न करि।।
एहि बिधि गर्भसहित सब नारी। भईं हृदयँ हरषित सुख भारी।।
जा दिन तें हरि गर्भहिं आए। सकल लोक सुख संपति छाए।।
मंदिर महँ सब राजहिं रानी। सोभा सील तेज की खानीं।।
सुख जुत कछुक काल चलि गयऊ। जेहिं प्रभु प्रगट सो अवसर भयऊ।।
दोहा/सोरठा
जोग लगन ग्रह बार तिथि सकल भए अनुकूल।
चर अरु अचर हर्षजुत राम जनम सुखमूल।।190।।
चौपाई
ēka bāra bhūpati mana māhīṃ. bhai galāni mōrēṃ suta nāhīṃ..
gura gṛha gayau turata mahipālā. carana lāgi kari binaya bisālā..
nija dukha sukha saba gurahi sunāyau. kahi basiṣṭha bahubidhi samujhāyau..
dharahu dhīra hōihahiṃ suta cārī. tribhuvana bidita bhagata bhaya hārī..
sṛṃgī riṣahi basiṣṭha bōlāvā. putrakāma subha jagya karāvā..
bhagati sahita muni āhuti dīnhēṃ. pragaṭē agini carū kara līnhēṃ..
jō basiṣṭha kachu hṛdayaom bicārā. sakala kāju bhā siddha tumhārā..
yaha habi bāomṭi dēhu nṛpa jāī. jathā jōga jēhi bhāga banāī..
चौपाई
tabahiṃ rāyaom priya nāri bōlāīṃ. kausalyādi tahāom cali āī..
ardha bhāga kausalyāhi dīnhā. ubhaya bhāga ādhē kara kīnhā..
kaikēī kahaom nṛpa sō dayaū. rahyō sō ubhaya bhāga puni bhayaū..
kausalyā kaikēī hātha dhari. dīnha sumitrahi mana prasanna kari..
ēhi bidhi garbhasahita saba nārī. bhaīṃ hṛdayaom haraṣita sukha bhārī..
jā dina tēṃ hari garbhahiṃ āē. sakala lōka sukha saṃpati chāē..
maṃdira mahaom saba rājahiṃ rānī. sōbhā sīla tēja kī khānīṃ..
sukha juta kachuka kāla cali gayaū. jēhiṃ prabhu pragaṭa sō avasara bhayaū..
