चौपाई
नाइ चरन सिरु कह कर जोरी। नाथ मोहि कछु नाहिन खोरी।।
अतिसय प्रबल देव तब माया। छूटइ राम करहु जौं दाया।।
बिषय बस्य सुर नर मुनि स्वामी। मैं पावँर पसु कपि अति कामी।।
नारि नयन सर जाहि न लागा। घोर क्रोध तम निसि जो जागा।।
लोभ पाँस जेहिं गर न बँधाया। सो नर तुम्ह समान रघुराया।।
यह गुन साधन तें नहिं होई। तुम्हरी कृपाँ पाव कोइ कोई।।
तब रघुपति बोले मुसकाई। तुम्ह प्रिय मोहि भरत जिमि भाई।।
अब सोइ जतनु करहु मन लाई। जेहि बिधि सीता कै सुधि पाई।।
दोहा/सोरठा
एहि बिधि होत बतकही आए बानर जूथ।
नाना बरन सकल दिसि देखिअ कीस बरुथ।।21।।
चौपाई
बानर कटक उमा में देखा। सो मूरुख जो करन चह लेखा।।
आइ राम पद नावहिं माथा। निरखि बदनु सब होहिं सनाथा।।
अस कपि एक न सेना माहीं। राम कुसल जेहि पूछी नाहीं।।
यह कछु नहिं प्रभु कइ अधिकाई। बिस्वरूप ब्यापक रघुराई।।
ठाढ़े जहँ तहँ आयसु पाई। कह सुग्रीव सबहि समुझाई।।
राम काजु अरु मोर निहोरा। बानर जूथ जाहु चहुँ ओरा।।
जनकसुता कहुँ खोजहु जाई। मास दिवस महँ आएहु भाई।।
अवधि मेटि जो बिनु सुधि पाएँ। आवइ बनिहि सो मोहि मराएँ।।
दोहा/सोरठा
बचन सुनत सब बानर जहँ तहँ चले तुरंत ।
तब सुग्रीवँ बोलाए अंगद नल हनुमंत।।22।।
चौपाई
nāi carana siru kaha kara jōrī. nātha mōhi kachu nāhina khōrī..
atisaya prabala dēva taba māyā. chūṭai rāma karahu jauṃ dāyā..
biṣaya basya sura nara muni svāmī. maiṃ pāvaomra pasu kapi ati kāmī..
nāri nayana sara jāhi na lāgā. ghōra krōdha tama nisi jō jāgā..
lōbha pāomsa jēhiṃ gara na baomdhāyā. sō nara tumha samāna raghurāyā..
yaha guna sādhana tēṃ nahiṃ hōī. tumharī kṛpāom pāva kōi kōī..
taba raghupati bōlē musakāī. tumha priya mōhi bharata jimi bhāī..
aba sōi jatanu karahu mana lāī. jēhi bidhi sītā kai sudhi pāī..
चौपाई
bānara kaṭaka umā mēṃ dēkhā. sō mūrukha jō karana caha lēkhā..
āi rāma pada nāvahiṃ māthā. nirakhi badanu saba hōhiṃ sanāthā..
asa kapi ēka na sēnā māhīṃ. rāma kusala jēhi pūchī nāhīṃ..
yaha kachu nahiṃ prabhu kai adhikāī. bisvarūpa byāpaka raghurāī..
ṭhāḍhaē jahaom tahaom āyasu pāī. kaha sugrīva sabahi samujhāī..
rāma kāju aru mōra nihōrā. bānara jūtha jāhu cahuom ōrā..
janakasutā kahuom khōjahu jāī. māsa divasa mahaom āēhu bhāī..
avadhi mēṭi jō binu sudhi pāēom. āvai banihi sō mōhi marāēom..
