चौपाई
सुनहु नील अंगद हनुमाना। जामवंत मतिधीर सुजाना।।
सकल सुभट मिलि दच्छिन जाहू। सीता सुधि पूँछेउ सब काहू।।
मन क्रम बचन सो जतन बिचारेहु। रामचंद्र कर काजु सँवारेहु।।
भानु पीठि सेइअ उर आगी। स्वामिहि सर्ब भाव छल त्यागी।।
तजि माया सेइअ परलोका। मिटहिं सकल भव संभव सोका।।
देह धरे कर यह फलु भाई। भजिअ राम सब काम बिहाई।।
सोइ गुनग्य सोई बड़भागी । जो रघुबीर चरन अनुरागी।।
आयसु मागि चरन सिरु नाई। चले हरषि सुमिरत रघुराई।।
पाछें पवन तनय सिरु नावा। जानि काज प्रभु निकट बोलावा।।
परसा सीस सरोरुह पानी। करमुद्रिका दीन्हि जन जानी।।
बहु प्रकार सीतहि समुझाएहु। कहि बल बिरह बेगि तुम्ह आएहु।।
हनुमत जन्म सुफल करि माना। चलेउ हृदयँ धरि कृपानिधाना।।
जद्यपि प्रभु जानत सब बाता। राजनीति राखत सुरत्राता।।
दोहा/सोरठा
चले सकल बन खोजत सरिता सर गिरि खोह।
राम काज लयलीन मन बिसरा तन कर छोह।।23।।
चौपाई
कतहुँ होइ निसिचर सैं भेटा। प्रान लेहिं एक एक चपेटा।।
बहु प्रकार गिरि कानन हेरहिं। कोउ मुनि मिलत ताहि सब घेरहिं।।
लागि तृषा अतिसय अकुलाने। मिलइ न जल घन गहन भुलाने।।
मन हनुमान कीन्ह अनुमाना। मरन चहत सब बिनु जल पाना।।
चढ़ि गिरि सिखर चहूँ दिसि देखा। भूमि बिबिर एक कौतुक पेखा।।
चक्रबाक बक हंस उड़ाहीं। बहुतक खग प्रबिसहिं तेहि माहीं।।
गिरि ते उतरि पवनसुत आवा। सब कहुँ लै सोइ बिबर देखावा।।
आगें कै हनुमंतहि लीन्हा। पैठे बिबर बिलंबु न कीन्हा।।
दोहा/सोरठा
दीख जाइ उपवन बर सर बिगसित बहु कंज।
मंदिर एक रुचिर तहँ बैठि नारि तप पुंज।।24।।
चौपाई
sunahu nīla aṃgada hanumānā. jāmavaṃta matidhīra sujānā..
sakala subhaṭa mili dacchina jāhū. sītā sudhi pūomchēu saba kāhū..
mana krama bacana sō jatana bicārēhu. rāmacaṃdra kara kāju saomvārēhu..
bhānu pīṭhi sēia ura āgī. svāmihi sarba bhāva chala tyāgī..
taji māyā sēia paralōkā. miṭahiṃ sakala bhava saṃbhava sōkā..
dēha dharē kara yaha phalu bhāī. bhajia rāma saba kāma bihāī..
sōi gunagya sōī baḍabhāgī . jō raghubīra carana anurāgī..
āyasu māgi carana siru nāī. calē haraṣi sumirata raghurāī..
pāchēṃ pavana tanaya siru nāvā. jāni kāja prabhu nikaṭa bōlāvā..
parasā sīsa sarōruha pānī. karamudrikā dīnhi jana jānī..
bahu prakāra sītahi samujhāēhu. kahi bala biraha bēgi tumha āēhu..
hanumata janma suphala kari mānā. calēu hṛdayaom dhari kṛpānidhānā..
jadyapi prabhu jānata saba bātā. rājanīti rākhata suratrātā..
चौपाई
katahuom hōi nisicara saiṃ bhēṭā. prāna lēhiṃ ēka ēka capēṭā..
bahu prakāra giri kānana hērahiṃ. kōu muni milata tāhi saba ghērahiṃ..
lāgi tṛṣā atisaya akulānē. milai na jala ghana gahana bhulānē..
mana hanumāna kīnha anumānā. marana cahata saba binu jala pānā..
caḍhai giri sikhara cahūom disi dēkhā. bhūmi bibira ēka kautuka pēkhā..
cakrabāka baka haṃsa uḍaāhīṃ. bahutaka khaga prabisahiṃ tēhi māhīṃ..
giri tē utari pavanasuta āvā. saba kahuom lai sōi bibara dēkhāvā..
āgēṃ kai hanumaṃtahi līnhā. paiṭhē bibara bilaṃbu na kīnhā..
