चौपाई
राम बालि निज धाम पठावा। नगर लोग सब ब्याकुल धावा।।
नाना बिधि बिलाप कर तारा। छूटे केस न देह सँभारा।।
तारा बिकल देखि रघुराया । दीन्ह ग्यान हरि लीन्ही माया।।
छिति जल पावक गगन समीरा। पंच रचित अति अधम सरीरा।।
प्रगट सो तनु तव आगें सोवा। जीव नित्य केहि लगि तुम्ह रोवा।।
उपजा ग्यान चरन तब लागी। लीन्हेसि परम भगति बर मागी।।
उमा दारु जोषित की नाई। सबहि नचावत रामु गोसाई।।
तब सुग्रीवहि आयसु दीन्हा। मृतक कर्म बिधिबत सब कीन्हा।।
राम कहा अनुजहि समुझाई। राज देहु सुग्रीवहि जाई।।
रघुपति चरन नाइ करि माथा। चले सकल प्रेरित रघुनाथा।।
दोहा/सोरठा
लछिमन तुरत बोलाए पुरजन बिप्र समाज।
राजु दीन्ह सुग्रीव कहँ अंगद कहँ जुबराज।।11।।
चौपाई
उमा राम सम हित जग माहीं। गुरु पितु मातु बंधु प्रभु नाहीं।।
सुर नर मुनि सब कै यह रीती। स्वारथ लागि करहिं सब प्रीती।।
बालि त्रास ब्याकुल दिन राती। तन बहु ब्रन चिंताँ जर छाती।।
सोइ सुग्रीव कीन्ह कपिराऊ। अति कृपाल रघुबीर सुभाऊ।।
जानतहुँ अस प्रभु परिहरहीं। काहे न बिपति जाल नर परहीं।।
पुनि सुग्रीवहि लीन्ह बोलाई। बहु प्रकार नृपनीति सिखाई।।
कह प्रभु सुनु सुग्रीव हरीसा। पुर न जाउँ दस चारि बरीसा।।
गत ग्रीषम बरषा रितु आई। रहिहउँ निकट सैल पर छाई।।
अंगद सहित करहु तुम्ह राजू। संतत हृदय धरेहु मम काजू।।
जब सुग्रीव भवन फिरि आए। रामु प्रबरषन गिरि पर छाए।।
दोहा/सोरठा
प्रथमहिं देवन्ह गिरि गुहा राखेउ रुचिर बनाइ।
राम कृपानिधि कछु दिन बास करहिंगे आइ।।12।।
चौपाई
rāma bāli nija dhāma paṭhāvā. nagara lōga saba byākula dhāvā..
nānā bidhi bilāpa kara tārā. chūṭē kēsa na dēha saombhārā..
tārā bikala dēkhi raghurāyā . dīnha gyāna hari līnhī māyā..
chiti jala pāvaka gagana samīrā. paṃca racita ati adhama sarīrā..
pragaṭa sō tanu tava āgēṃ sōvā. jīva nitya kēhi lagi tumha rōvā..
upajā gyāna carana taba lāgī. līnhēsi parama bhagati bara māgī..
umā dāru jōṣita kī nāī. sabahi nacāvata rāmu gōsāī..
taba sugrīvahi āyasu dīnhā. mṛtaka karma bidhibata saba kīnhā..
rāma kahā anujahi samujhāī. rāja dēhu sugrīvahi jāī..
raghupati carana nāi kari māthā. calē sakala prērita raghunāthā..
चौपाई
umā rāma sama hita jaga māhīṃ. guru pitu mātu baṃdhu prabhu nāhīṃ..
sura nara muni saba kai yaha rītī. svāratha lāgi karahiṃ saba prītī..
bāli trāsa byākula dina rātī. tana bahu brana ciṃtāom jara chātī..
sōi sugrīva kīnha kapirāū. ati kṛpāla raghubīra subhāū..
jānatahuom asa prabhu pariharahīṃ. kāhē na bipati jāla nara parahīṃ..
puni sugrīvahi līnha bōlāī. bahu prakāra nṛpanīti sikhāī..
kaha prabhu sunu sugrīva harīsā. pura na jāuom dasa cāri barīsā..
gata grīṣama baraṣā ritu āī. rahihauom nikaṭa saila para chāī..
aṃgada sahita karahu tumha rājū. saṃtata hṛdaya dharēhu mama kājū..
jaba sugrīva bhavana phiri āē. rāmu prabaraṣana giri para chāē..
