चौपाई
परा बिकल महि सर के लागें। पुनि उठि बैठ देखि प्रभु आगें।।
स्याम गात सिर जटा बनाएँ। अरुन नयन सर चाप चढ़ाएँ।।
पुनि पुनि चितइ चरन चित दीन्हा। सुफल जन्म माना प्रभु चीन्हा।।
हृदयँ प्रीति मुख बचन कठोरा। बोला चितइ राम की ओरा।।
धर्म हेतु अवतरेहु गोसाई। मारेहु मोहि ब्याध की नाई।।
मैं बैरी सुग्रीव पिआरा। अवगुन कबन नाथ मोहि मारा।।
अनुज बधू भगिनी सुत नारी। सुनु सठ कन्या सम ए चारी।।
इन्हहि कुद्दष्टि बिलोकइ जोई। ताहि बधें कछु पाप न होई।।
मुढ़ तोहि अतिसय अभिमाना। नारि सिखावन करसि न काना।।
मम भुज बल आश्रित तेहि जानी। मारा चहसि अधम अभिमानी।।
दोहा/सोरठा
सुनहु राम स्वामी सन चल न चातुरी मोरि।
प्रभु अजहूँ मैं पापी अंतकाल गति तोरि।।9।।
चौपाई
सुनत राम अति कोमल बानी। बालि सीस परसेउ निज पानी।।
अचल करौं तनु राखहु प्राना। बालि कहा सुनु कृपानिधाना।।
जन्म जन्म मुनि जतनु कराहीं। अंत राम कहि आवत नाहीं।।
जासु नाम बल संकर कासी। देत सबहि सम गति अविनासी।।
मम लोचन गोचर सोइ आवा। बहुरि कि प्रभु अस बनिहि बनावा।।
चौपाई
parā bikala mahi sara kē lāgēṃ. puni uṭhi baiṭha dēkhi prabhu āgēṃ..
syāma gāta sira jaṭā banāēom. aruna nayana sara cāpa caḍhaāēom..
puni puni citai carana cita dīnhā. suphala janma mānā prabhu cīnhā..
hṛdayaom prīti mukha bacana kaṭhōrā. bōlā citai rāma kī ōrā..
dharma hētu avatarēhu gōsāī. mārēhu mōhi byādha kī nāī..
maiṃ bairī sugrīva piārā. avaguna kabana nātha mōhi mārā..
anuja badhū bhaginī suta nārī. sunu saṭha kanyā sama ē cārī..
inhahi kuddaṣṭi bilōkai jōī. tāhi badhēṃ kachu pāpa na hōī..
muḍha tōhi atisaya abhimānā. nāri sikhāvana karasi na kānā..
mama bhuja bala āśrita tēhi jānī. mārā cahasi adhama abhimānī..
चौपाई
sunata rāma ati kōmala bānī. bāli sīsa parasēu nija pānī..
acala karauṃ tanu rākhahu prānā. bāli kahā sunu kṛpānidhānā..
janma janma muni jatanu karāhīṃ. aṃta rāma kahi āvata nāhīṃ..
jāsu nāma bala saṃkara kāsī. dēta sabahi sama gati avināsī..
mama lōcana gōcara sōi āvā. bahuri ki prabhu asa banihi banāvā..
