चौपाई
सकल मरमु रघुनायक जाना। लिए बोलि अंगद हनुमाना।।
समाचार सब कहि समुझाए। सुनत कोपि कपिकुंजर धाए।।
पुनि कृपाल हँसि चाप चढ़ावा। पावक सायक सपदि चलावा।।
भयउ प्रकास कतहुँ तम नाहीं। ग्यान उदयँ जिमि संसय जाहीं।।
भालु बलीमुख पाइ प्रकासा। धाए हरष बिगत श्रम त्रासा।।
हनूमान अंगद रन गाजे। हाँक सुनत रजनीचर भाजे।।
भागत पट पटकहिं धरि धरनी। करहिं भालु कपि अद्भुत करनी।।
गहि पद डारहिं सागर माहीं। मकर उरग झष धरि धरि खाहीं।।
दोहा/सोरठा
कछु मारे कछु घायल कछु गढ़ चढ़े पराइ।
गर्जहिं भालु बलीमुख रिपु दल बल बिचलाइ।।47।।
चौपाई
निसा जानि कपि चारिउ अनी। आए जहाँ कोसला धनी।।
राम कृपा करि चितवा सबही। भए बिगतश्रम बानर तबही।।
उहाँ दसानन सचिव हँकारे। सब सन कहेसि सुभट जे मारे।।
आधा कटकु कपिन्ह संघारा। कहहु बेगि का करिअ बिचारा।।
माल्यवंत अति जरठ निसाचर। रावन मातु पिता मंत्री बर।।
बोला बचन नीति अति पावन। सुनहु तात कछु मोर सिखावन।।
जब ते तुम्ह सीता हरि आनी। असगुन होहिं न जाहिं बखानी।।
बेद पुरान जासु जसु गायो। राम बिमुख काहुँ न सुख पायो।।
दोहा/सोरठा
हिरन्याच्छ भ्राता सहित मधु कैटभ बलवान।
जेहि मारे सोइ अवतरेउ कृपासिंधु भगवान।।48(क)।।
कालरूप खल बन दहन गुनागार घनबोध।
सिव बिरंचि जेहि सेवहिं तासों कवन बिरोध।।48(ख)।।
चौपाई
sakala maramu raghunāyaka jānā. liē bōli aṃgada hanumānā..
samācāra saba kahi samujhāē. sunata kōpi kapikuṃjara dhāē..
puni kṛpāla haomsi cāpa caḍhaāvā. pāvaka sāyaka sapadi calāvā..
bhayau prakāsa katahuom tama nāhīṃ. gyāna udayaom jimi saṃsaya jāhīṃ..
bhālu balīmukha pāi prakāsā. dhāē haraṣa bigata śrama trāsā..
hanūmāna aṃgada rana gājē. hāomka sunata rajanīcara bhājē..
bhāgata paṭa paṭakahiṃ dhari dharanī. karahiṃ bhālu kapi adbhuta karanī..
gahi pada ḍārahiṃ sāgara māhīṃ. makara uraga jhaṣa dhari dhari khāhīṃ..
चौपाई
nisā jāni kapi cāriu anī. āē jahāom kōsalā dhanī..
rāma kṛpā kari citavā sabahī. bhaē bigataśrama bānara tabahī..
uhāom dasānana saciva haomkārē. saba sana kahēsi subhaṭa jē mārē..
ādhā kaṭaku kapinha saṃghārā. kahahu bēgi kā karia bicārā..
mālyavaṃta ati jaraṭha nisācara. rāvana mātu pitā maṃtrī bara..
bōlā bacana nīti ati pāvana. sunahu tāta kachu mōra sikhāvana..
jaba tē tumha sītā hari ānī. asaguna hōhiṃ na jāhiṃ bakhānī..
bēda purāna jāsu jasu gāyō. rāma bimukha kāhuom na sukha pāyō..
