चौपाई
महा महा मुखिआ जे पावहिं। ते पद गहि प्रभु पास चलावहिं।।
कहइ बिभीषनु तिन्ह के नामा। देहिं राम तिन्हहू निज धामा।।
खल मनुजाद द्विजामिष भोगी। पावहिं गति जो जाचत जोगी।।
उमा राम मृदुचित करुनाकर। बयर भाव सुमिरत मोहि निसिचर।।
देहिं परम गति सो जियँ जानी। अस कृपाल को कहहु भवानी।।
अस प्रभु सुनि न भजहिं भ्रम त्यागी। नर मतिमंद ते परम अभागी।।
अंगद अरु हनुमंत प्रबेसा। कीन्ह दुर्ग अस कह अवधेसा।।
लंकाँ द्वौ कपि सोहहिं कैसें। मथहि सिंधु दुइ मंदर जैसें।।
दोहा/सोरठा
भुज बल रिपु दल दलमलि देखि दिवस कर अंत।
कूदे जुगल बिगत श्रम आए जहँ भगवंत।।45।।
चौपाई
प्रभु पद कमल सीस तिन्ह नाए। देखि सुभट रघुपति मन भाए।।
राम कृपा करि जुगल निहारे। भए बिगतश्रम परम सुखारे।।
गए जानि अंगद हनुमाना। फिरे भालु मर्कट भट नाना।।
जातुधान प्रदोष बल पाई। धाए करि दससीस दोहाई।।
निसिचर अनी देखि कपि फिरे। जहँ तहँ कटकटाइ भट भिरे।।
द्वौ दल प्रबल पचारि पचारी। लरत सुभट नहिं मानहिं हारी।।
महाबीर निसिचर सब कारे। नाना बरन बलीमुख भारे।।
सबल जुगल दल समबल जोधा। कौतुक करत लरत करि क्रोधा।।
प्राबिट सरद पयोद घनेरे। लरत मनहुँ मारुत के प्रेरे।।
अनिप अकंपन अरु अतिकाया। बिचलत सेन कीन्हि इन्ह माया।।
भयउ निमिष महँ अति अँधियारा। बृष्टि होइ रुधिरोपल छारा।।
दोहा/सोरठा
देखि निबिड़ तम दसहुँ दिसि कपिदल भयउ खभार।
एकहि एक न देखई जहँ तहँ करहिं पुकार।।46।।
चौपाई
mahā mahā mukhiā jē pāvahiṃ. tē pada gahi prabhu pāsa calāvahiṃ..
kahai bibhīṣanu tinha kē nāmā. dēhiṃ rāma tinhahū nija dhāmā..
khala manujāda dvijāmiṣa bhōgī. pāvahiṃ gati jō jācata jōgī..
umā rāma mṛducita karunākara. bayara bhāva sumirata mōhi nisicara..
dēhiṃ parama gati sō jiyaom jānī. asa kṛpāla kō kahahu bhavānī..
asa prabhu suni na bhajahiṃ bhrama tyāgī. nara matimaṃda tē parama abhāgī..
aṃgada aru hanumaṃta prabēsā. kīnha durga asa kaha avadhēsā..
laṃkāom dvau kapi sōhahiṃ kaisēṃ. mathahi siṃdhu dui maṃdara jaisēṃ..
चौपाई
prabhu pada kamala sīsa tinha nāē. dēkhi subhaṭa raghupati mana bhāē..
rāma kṛpā kari jugala nihārē. bhaē bigataśrama parama sukhārē..
gaē jāni aṃgada hanumānā. phirē bhālu markaṭa bhaṭa nānā..
jātudhāna pradōṣa bala pāī. dhāē kari dasasīsa dōhāī..
nisicara anī dēkhi kapi phirē. jahaom tahaom kaṭakaṭāi bhaṭa bhirē..
dvau dala prabala pacāri pacārī. larata subhaṭa nahiṃ mānahiṃ hārī..
mahābīra nisicara saba kārē. nānā barana balīmukha bhārē..
sabala jugala dala samabala jōdhā. kautuka karata larata kari krōdhā..
prābiṭa sarada payōda ghanērē. larata manahuom māruta kē prērē..
anipa akaṃpana aru atikāyā. bicalata sēna kīnhi inha māyā..
bhayau nimiṣa mahaom ati aomdhiyārā. bṛṣṭi hōi rudhirōpala chārā..
