चौपाई
सुनु गिरिजा क्रोधानल जासू। जारइ भुवन चारिदस आसू।।
सक संग्राम जीति को ताही। सेवहिं सुर नर अग जग जाही।।
यह कौतूहल जानइ सोई। जा पर कृपा राम कै होई।।
संध्या भइ फिरि द्वौ बाहनी। लगे सँभारन निज निज अनी।।
ब्यापक ब्रह्म अजित भुवनेस्वर। लछिमन कहाँ बूझ करुनाकर।।
तब लगि लै आयउ हनुमाना। अनुज देखि प्रभु अति दुख माना।।
जामवंत कह बैद सुषेना। लंकाँ रहइ को पठई लेना।।
धरि लघु रूप गयउ हनुमंता। आनेउ भवन समेत तुरंता।।
दोहा/सोरठा
राम पदारबिंद सिर नायउ आइ सुषेन।
कहा नाम गिरि औषधी जाहु पवनसुत लेन।।55।।
चौपाई
राम चरन सरसिज उर राखी। चला प्रभंजन सुत बल भाषी।।
उहाँ दूत एक मरमु जनावा। रावन कालनेमि गृह आवा।।
दसमुख कहा मरमु तेहिं सुना। पुनि पुनि कालनेमि सिरु धुना।।
देखत तुम्हहि नगरु जेहिं जारा। तासु पंथ को रोकन पारा।।
भजि रघुपति करु हित आपना। छाँड़हु नाथ मृषा जल्पना।।
नील कंज तनु सुंदर स्यामा। हृदयँ राखु लोचनाभिरामा।।
मैं तैं मोर मूढ़ता त्यागू। महा मोह निसि सूतत जागू।।
काल ब्याल कर भच्छक जोई। सपनेहुँ समर कि जीतिअ सोई।।
दोहा/सोरठा
सुनि दसकंठ रिसान अति तेहिं मन कीन्ह बिचार।
राम दूत कर मरौं बरु यह खल रत मल भार।।56।।
चौपाई
sunu girijā krōdhānala jāsū. jārai bhuvana cāridasa āsū..
saka saṃgrāma jīti kō tāhī. sēvahiṃ sura nara aga jaga jāhī..
yaha kautūhala jānai sōī. jā para kṛpā rāma kai hōī..
saṃdhyā bhai phiri dvau bāhanī. lagē saombhārana nija nija anī..
byāpaka brahma ajita bhuvanēsvara. lachimana kahāom būjha karunākara..
taba lagi lai āyau hanumānā. anuja dēkhi prabhu ati dukha mānā..
jāmavaṃta kaha baida suṣēnā. laṃkāom rahai kō paṭhaī lēnā..
dhari laghu rūpa gayau hanumaṃtā. ānēu bhavana samēta turaṃtā..
चौपाई
rāma carana sarasija ura rākhī. calā prabhaṃjana suta bala bhāṣī..
uhāom dūta ēka maramu janāvā. rāvana kālanēmi gṛha āvā..
dasamukha kahā maramu tēhiṃ sunā. puni puni kālanēmi siru dhunā..
dēkhata tumhahi nagaru jēhiṃ jārā. tāsu paṃtha kō rōkana pārā..
bhaji raghupati karu hita āpanā. chāomḍahu nātha mṛṣā jalpanā..
nīla kaṃja tanu suṃdara syāmā. hṛdayaom rākhu lōcanābhirāmā..
maiṃ taiṃ mōra mūḍhatā tyāgū. mahā mōha nisi sūtata jāgū..
kāla byāla kara bhacchaka jōī. sapanēhuom samara ki jītia sōī..
