चौपाई
अस कहि चला रचिसि मग माया। सर मंदिर बर बाग बनाया।।
मारुतसुत देखा सुभ आश्रम। मुनिहि बूझि जल पियौं जाइ श्रम।।
राच्छस कपट बेष तहँ सोहा। मायापति दूतहि चह मोहा।।
जाइ पवनसुत नायउ माथा। लाग सो कहै राम गुन गाथा।।
होत महा रन रावन रामहिं। जितहहिं राम न संसय या महिं।।
इहाँ भएँ मैं देखेउँ भाई। ग्यान दृष्टि बल मोहि अधिकाई।।
मागा जल तेहिं दीन्ह कमंडल। कह कपि नहिं अघाउँ थोरें जल।।
सर मज्जन करि आतुर आवहु। दिच्छा देउँ ग्यान जेहिं पावहु।।
दोहा/सोरठा
सर पैठत कपि पद गहा मकरीं तब अकुलान।
मारी सो धरि दिव्य तनु चली गगन चढ़ि जान।।57।।
चौपाई
कपि तव दरस भइउँ निष्पापा। मिटा तात मुनिबर कर सापा।।
मुनि न होइ यह निसिचर घोरा। मानहु सत्य बचन कपि मोरा।।
अस कहि गई अपछरा जबहीं। निसिचर निकट गयउ कपि तबहीं।।
कह कपि मुनि गुरदछिना लेहू। पाछें हमहि मंत्र तुम्ह देहू।।
सिर लंगूर लपेटि पछारा। निज तनु प्रगटेसि मरती बारा।।
राम राम कहि छाड़ेसि प्राना। सुनि मन हरषि चलेउ हनुमाना।।
देखा सैल न औषध चीन्हा। सहसा कपि उपारि गिरि लीन्हा।।
गहि गिरि निसि नभ धावत भयऊ। अवधपुरी उपर कपि गयऊ।।
दोहा/सोरठा
देखा भरत बिसाल अति निसिचर मन अनुमानि।
बिनु फर सायक मारेउ चाप श्रवन लगि तानि।।58।।
चौपाई
asa kahi calā racisi maga māyā. sara maṃdira bara bāga banāyā..
mārutasuta dēkhā subha āśrama. munihi būjhi jala piyauṃ jāi śrama..
rācchasa kapaṭa bēṣa tahaom sōhā. māyāpati dūtahi caha mōhā..
jāi pavanasuta nāyau māthā. lāga sō kahai rāma guna gāthā..
hōta mahā rana rāvana rāmahiṃ. jitahahiṃ rāma na saṃsaya yā mahiṃ..
ihāom bhaēom maiṃ dēkhēuom bhāī. gyāna dṛṣṭi bala mōhi adhikāī..
māgā jala tēhiṃ dīnha kamaṃḍala. kaha kapi nahiṃ aghāuom thōrēṃ jala..
sara majjana kari ātura āvahu. dicchā dēuom gyāna jēhiṃ pāvahu..
चौपाई
kapi tava darasa bhaiuom niṣpāpā. miṭā tāta munibara kara sāpā..
muni na hōi yaha nisicara ghōrā. mānahu satya bacana kapi mōrā..
asa kahi gaī apacharā jabahīṃ. nisicara nikaṭa gayau kapi tabahīṃ..
kaha kapi muni guradachinā lēhū. pāchēṃ hamahi maṃtra tumha dēhū..
sira laṃgūra lapēṭi pachārā. nija tanu pragaṭēsi maratī bārā..
rāma rāma kahi chāḍaēsi prānā. suni mana haraṣi calēu hanumānā..
dēkhā saila na auṣadha cīnhā. sahasā kapi upāri giri līnhā..
gahi giri nisi nabha dhāvata bhayaū. avadhapurī upara kapi gayaū..
