चौपाई
अस कौतुक बिलोकि द्वौ भाई। बिहँसि चले कृपाल रघुराई।।
सेन सहित उतरे रघुबीरा। कहि न जाइ कपि जूथप भीरा।।
सिंधु पार प्रभु डेरा कीन्हा। सकल कपिन्ह कहुँ आयसु दीन्हा।।
खाहु जाइ फल मूल सुहाए। सुनत भालु कपि जहँ तहँ धाए।।
सब तरु फरे राम हित लागी। रितु अरु कुरितु काल गति त्यागी।।
खाहिं मधुर फल बटप हलावहिं। लंका सन्मुख सिखर चलावहिं।।
जहँ कहुँ फिरत निसाचर पावहिं। घेरि सकल बहु नाच नचावहिं।।
दसनन्हि काटि नासिका काना। कहि प्रभु सुजसु देहिं तब जाना।।
जिन्ह कर नासा कान निपाता। तिन्ह रावनहि कही सब बाता।।
सुनत श्रवन बारिधि बंधाना। दस मुख बोलि उठा अकुलाना।।
दोहा/सोरठा
बांध्यो बननिधि नीरनिधि जलधि सिंधु बारीस।
सत्य तोयनिधि कंपति उदधि पयोधि नदीस।।5।।
चौपाई
निज बिकलता बिचारि बहोरी। बिहँसि गयउ ग्रह करि भय भोरी।।
मंदोदरीं सुन्यो प्रभु आयो। कौतुकहीं पाथोधि बँधायो।।
कर गहि पतिहि भवन निज आनी। बोली परम मनोहर बानी।।
चरन नाइ सिरु अंचलु रोपा। सुनहु बचन पिय परिहरि कोपा।।
नाथ बयरु कीजे ताही सों। बुधि बल सकिअ जीति जाही सों।।
तुम्हहि रघुपतिहि अंतर कैसा। खलु खद्योत दिनकरहि जैसा।।
अतिबल मधु कैटभ जेहिं मारे। महाबीर दितिसुत संघारे।।
जेहिं बलि बाँधि सहजभुज मारा। सोइ अवतरेउ हरन महि भारा।।
तासु बिरोध न कीजिअ नाथा। काल करम जिव जाकें हाथा।।
दोहा/सोरठा
रामहि सौपि जानकी नाइ कमल पद माथ।
सुत कहुँ राज समर्पि बन जाइ भजिअ रघुनाथ।।6।।
चौपाई
asa kautuka bilōki dvau bhāī. bihaomsi calē kṛpāla raghurāī..
sēna sahita utarē raghubīrā. kahi na jāi kapi jūthapa bhīrā..
siṃdhu pāra prabhu ḍērā kīnhā. sakala kapinha kahuom āyasu dīnhā..
khāhu jāi phala mūla suhāē. sunata bhālu kapi jahaom tahaom dhāē..
saba taru pharē rāma hita lāgī. ritu aru kuritu kāla gati tyāgī..
khāhiṃ madhura phala baṭapa halāvahiṃ. laṃkā sanmukha sikhara calāvahiṃ..
jahaom kahuom phirata nisācara pāvahiṃ. ghēri sakala bahu nāca nacāvahiṃ..
dasananhi kāṭi nāsikā kānā. kahi prabhu sujasu dēhiṃ taba jānā..
jinha kara nāsā kāna nipātā. tinha rāvanahi kahī saba bātā..
sunata śravana bāridhi baṃdhānā. dasa mukha bōli uṭhā akulānā..
चौपाई
nija bikalatā bicāri bahōrī. bihaomsi gayau graha kari bhaya bhōrī..
maṃdōdarīṃ sunyō prabhu āyō. kautukahīṃ pāthōdhi baomdhāyō..
kara gahi patihi bhavana nija ānī. bōlī parama manōhara bānī..
carana nāi siru aṃcalu rōpā. sunahu bacana piya parihari kōpā..
nātha bayaru kījē tāhī sōṃ. budhi bala sakia jīti jāhī sōṃ..
tumhahi raghupatihi aṃtara kaisā. khalu khadyōta dinakarahi jaisā..
atibala madhu kaiṭabha jēhiṃ mārē. mahābīra ditisuta saṃghārē..
jēhiṃ bali bāomdhi sahajabhuja mārā. sōi avatarēu harana mahi bhārā..
tāsu birōdha na kījia nāthā. kāla karama jiva jākēṃ hāthā..
