चौपाई
नाथ दीनदयाल रघुराई। बाघउ सनमुख गएँ न खाई।।
चाहिअ करन सो सब करि बीते। तुम्ह सुर असुर चराचर जीते।।
संत कहहिं असि नीति दसानन। चौथेंपन जाइहि नृप कानन।।
तासु भजन कीजिअ तहँ भर्ता। जो कर्ता पालक संहर्ता।।
सोइ रघुवीर प्रनत अनुरागी। भजहु नाथ ममता सब त्यागी।।
मुनिबर जतनु करहिं जेहि लागी। भूप राजु तजि होहिं बिरागी।।
सोइ कोसलधीस रघुराया। आयउ करन तोहि पर दाया।।
जौं पिय मानहु मोर सिखावन। सुजसु होइ तिहुँ पुर अति पावन।।
दोहा/सोरठा
अस कहि नयन नीर भरि गहि पद कंपित गात।
नाथ भजहु रघुनाथहि अचल होइ अहिवात।।7।।
चौपाई
तब रावन मयसुता उठाई। कहै लाग खल निज प्रभुताई।।
सुनु तै प्रिया बृथा भय माना। जग जोधा को मोहि समाना।।
बरुन कुबेर पवन जम काला। भुज बल जितेउँ सकल दिगपाला।।
देव दनुज नर सब बस मोरें। कवन हेतु उपजा भय तोरें।।
नाना बिधि तेहि कहेसि बुझाई। सभाँ बहोरि बैठ सो जाई।।
मंदोदरीं हदयँ अस जाना। काल बस्य उपजा अभिमाना।।
सभाँ आइ मंत्रिन्ह तेंहि बूझा। करब कवन बिधि रिपु सैं जूझा।।
कहहिं सचिव सुनु निसिचर नाहा। बार बार प्रभु पूछहु काहा।।
कहहु कवन भय करिअ बिचारा। नर कपि भालु अहार हमारा।।
दोहा/सोरठा
सब के बचन श्रवन सुनि कह प्रहस्त कर जोरि।
निति बिरोध न करिअ प्रभु मत्रिंन्ह मति अति थोरि।।8।।
चौपाई
nātha dīnadayāla raghurāī. bāghau sanamukha gaēom na khāī..
cāhia karana sō saba kari bītē. tumha sura asura carācara jītē..
saṃta kahahiṃ asi nīti dasānana. cauthēṃpana jāihi nṛpa kānana..
tāsu bhajana kījia tahaom bhartā. jō kartā pālaka saṃhartā..
sōi raghuvīra pranata anurāgī. bhajahu nātha mamatā saba tyāgī..
munibara jatanu karahiṃ jēhi lāgī. bhūpa rāju taji hōhiṃ birāgī..
sōi kōsaladhīsa raghurāyā. āyau karana tōhi para dāyā..
jauṃ piya mānahu mōra sikhāvana. sujasu hōi tihuom pura ati pāvana..
चौपाई
taba rāvana mayasutā uṭhāī. kahai lāga khala nija prabhutāī..
sunu tai priyā bṛthā bhaya mānā. jaga jōdhā kō mōhi samānā..
baruna kubēra pavana jama kālā. bhuja bala jitēuom sakala digapālā..
dēva danuja nara saba basa mōrēṃ. kavana hētu upajā bhaya tōrēṃ..
nānā bidhi tēhi kahēsi bujhāī. sabhāom bahōri baiṭha sō jāī..
maṃdōdarīṃ hadayaom asa jānā. kāla basya upajā abhimānā..
sabhāom āi maṃtrinha tēṃhi būjhā. karaba kavana bidhi ripu saiṃ jūjhā..
kahahiṃ saciva sunu nisicara nāhā. bāra bāra prabhu pūchahu kāhā..
kahahu kavana bhaya karia bicārā. nara kapi bhālu ahāra hamārā..
