चौपाई
बंधु बचन सुनि चला बिभीषन। आयउ जहँ त्रैलोक बिभूषन।।
नाथ भूधराकार सरीरा। कुंभकरन आवत रनधीरा।।
एतना कपिन्ह सुना जब काना। किलकिलाइ धाए बलवाना।।
लिए उठाइ बिटप अरु भूधर। कटकटाइ डारहिं ता ऊपर।।
कोटि कोटि गिरि सिखर प्रहारा। करहिं भालु कपि एक एक बारा।।
मुर् यो न मन तनु टर् यो न टार् यो। जिमि गज अर्क फलनि को मार्यो।।
तब मारुतसुत मुठिका हन्यो। पर् यो धरनि ब्याकुल सिर धुन्यो।।
पुनि उठि तेहिं मारेउ हनुमंता। घुर्मित भूतल परेउ तुरंता।।
पुनि नल नीलहि अवनि पछारेसि। जहँ तहँ पटकि पटकि भट डारेसि।।
चली बलीमुख सेन पराई। अति भय त्रसित न कोउ समुहाई।।
दोहा/सोरठा
अंगदादि कपि मुरुछित करि समेत सुग्रीव।
काँख दाबि कपिराज कहुँ चला अमित बल सींव।।65।।
चौपाई
उमा करत रघुपति नरलीला। खेलत गरुड़ जिमि अहिगन मीला।।
भृकुटि भंग जो कालहि खाई। ताहि कि सोहइ ऐसि लराई।।
जग पावनि कीरति बिस्तरिहहिं। गाइ गाइ भवनिधि नर तरिहहिं।।
मुरुछा गइ मारुतसुत जागा। सुग्रीवहि तब खोजन लागा।।
सुग्रीवहु कै मुरुछा बीती। निबुक गयउ तेहि मृतक प्रतीती।।
काटेसि दसन नासिका काना। गरजि अकास चलउ तेहिं जाना।।
गहेउ चरन गहि भूमि पछारा। अति लाघवँ उठि पुनि तेहि मारा।।
पुनि आयसु प्रभु पहिं बलवाना। जयति जयति जय कृपानिधाना।।
नाक कान काटे जियँ जानी। फिरा क्रोध करि भइ मन ग्लानी।।
सहज भीम पुनि बिनु श्रुति नासा। देखत कपि दल उपजी त्रासा।।
दोहा/सोरठा
जय जय जय रघुबंस मनि धाए कपि दै हूह।
एकहि बार तासु पर छाड़ेन्हि गिरि तरु जूह।।66।।
चौपाई
baṃdhu bacana suni calā bibhīṣana. āyau jahaom trailōka bibhūṣana..
nātha bhūdharākāra sarīrā. kuṃbhakarana āvata ranadhīrā..
ētanā kapinha sunā jaba kānā. kilakilāi dhāē balavānā..
liē uṭhāi biṭapa aru bhūdhara. kaṭakaṭāi ḍārahiṃ tā ūpara..
kōṭi kōṭi giri sikhara prahārā. karahiṃ bhālu kapi ēka ēka bārā..
mur yō na mana tanu ṭar yō na ṭār yō. jimi gaja arka phalani kō māryō..
taba mārutasuta muṭhikā hanyō. par yō dharani byākula sira dhunyō..
puni uṭhi tēhiṃ mārēu hanumaṃtā. ghurmita bhūtala parēu turaṃtā..
puni nala nīlahi avani pachārēsi. jahaom tahaom paṭaki paṭaki bhaṭa ḍārēsi..
calī balīmukha sēna parāī. ati bhaya trasita na kōu samuhāī..
चौपाई
umā karata raghupati naralīlā. khēlata garuḍa jimi ahigana mīlā..
bhṛkuṭi bhaṃga jō kālahi khāī. tāhi ki sōhai aisi larāī..
jaga pāvani kīrati bistarihahiṃ. gāi gāi bhavanidhi nara tarihahiṃ..
muruchā gai mārutasuta jāgā. sugrīvahi taba khōjana lāgā..
sugrīvahu kai muruchā bītī. nibuka gayau tēhi mṛtaka pratītī..
kāṭēsi dasana nāsikā kānā. garaji akāsa calau tēhiṃ jānā..
gahēu carana gahi bhūmi pachārā. ati lāghavaom uṭhi puni tēhi mārā..
puni āyasu prabhu pahiṃ balavānā. jayati jayati jaya kṛpānidhānā..
nāka kāna kāṭē jiyaom jānī. phirā krōdha kari bhai mana glānī..
sahaja bhīma puni binu śruti nāsā. dēkhata kapi dala upajī trāsā..
