चौपाई
भल न कीन्ह तैं निसिचर नाहा। अब मोहि आइ जगाएहि काहा।।
अजहूँ तात त्यागि अभिमाना। भजहु राम होइहि कल्याना।।
हैं दससीस मनुज रघुनायक। जाके हनूमान से पायक।।
अहह बंधु तैं कीन्हि खोटाई। प्रथमहिं मोहि न सुनाएहि आई।।
कीन्हेहु प्रभू बिरोध तेहि देवक। सिव बिरंचि सुर जाके सेवक।।
नारद मुनि मोहि ग्यान जो कहा। कहतेउँ तोहि समय निरबहा।।
अब भरि अंक भेंटु मोहि भाई। लोचन सूफल करौ मैं जाई।।
स्याम गात सरसीरुह लोचन। देखौं जाइ ताप त्रय मोचन।।
दोहा/सोरठा
राम रूप गुन सुमिरत मगन भयउ छन एक।
रावन मागेउ कोटि घट मद अरु महिष अनेक।।63।।
चौपाई
महिष खाइ करि मदिरा पाना। गर्जा बज्राघात समाना।।
कुंभकरन दुर्मद रन रंगा। चला दुर्ग तजि सेन न संगा।।
देखि बिभीषनु आगें आयउ। परेउ चरन निज नाम सुनायउ।।
अनुज उठाइ हृदयँ तेहि लायो। रघुपति भक्त जानि मन भायो।।
तात लात रावन मोहि मारा। कहत परम हित मंत्र बिचारा।।
तेहिं गलानि रघुपति पहिं आयउँ। देखि दीन प्रभु के मन भायउँ।।
सुनु सुत भयउ कालबस रावन। सो कि मान अब परम सिखावन।।
धन्य धन्य तैं धन्य बिभीषन। भयहु तात निसिचर कुल भूषन।।
बंधु बंस तैं कीन्ह उजागर। भजेहु राम सोभा सुख सागर।।
दोहा/सोरठा
बचन कर्म मन कपट तजि भजेहु राम रनधीर।
जाहु न निज पर सूझ मोहि भयउँ कालबस बीर। 64।।
चौपाई
bhala na kīnha taiṃ nisicara nāhā. aba mōhi āi jagāēhi kāhā..
ajahūom tāta tyāgi abhimānā. bhajahu rāma hōihi kalyānā..
haiṃ dasasīsa manuja raghunāyaka. jākē hanūmāna sē pāyaka..
ahaha baṃdhu taiṃ kīnhi khōṭāī. prathamahiṃ mōhi na sunāēhi āī..
kīnhēhu prabhū birōdha tēhi dēvaka. siva biraṃci sura jākē sēvaka..
nārada muni mōhi gyāna jō kahā. kahatēuom tōhi samaya nirabahā..
aba bhari aṃka bhēṃṭu mōhi bhāī. lōcana sūphala karau maiṃ jāī..
syāma gāta sarasīruha lōcana. dēkhauṃ jāi tāpa traya mōcana..
चौपाई
mahiṣa khāi kari madirā pānā. garjā bajrāghāta samānā..
kuṃbhakarana durmada rana raṃgā. calā durga taji sēna na saṃgā..
dēkhi bibhīṣanu āgēṃ āyau. parēu carana nija nāma sunāyau..
anuja uṭhāi hṛdayaom tēhi lāyō. raghupati bhakta jāni mana bhāyō..
tāta lāta rāvana mōhi mārā. kahata parama hita maṃtra bicārā..
tēhiṃ galāni raghupati pahiṃ āyauom. dēkhi dīna prabhu kē mana bhāyauom..
sunu suta bhayau kālabasa rāvana. sō ki māna aba parama sikhāvana..
dhanya dhanya taiṃ dhanya bibhīṣana. bhayahu tāta nisicara kula bhūṣana..
baṃdhu baṃsa taiṃ kīnha ujāgara. bhajēhu rāma sōbhā sukha sāgara..
