चौपाई
कुंभकरन मन दीख बिचारी। हति धन माझ निसाचर धारी।।
भा अति क्रुद्ध महाबल बीरा। कियो मृगनायक नाद गँभीरा।।
कोपि महीधर लेइ उपारी। डारइ जहँ मर्कट भट भारी।।
आवत देखि सैल प्रभू भारे। सरन्हि काटि रज सम करि डारे।।।
पुनि धनु तानि कोपि रघुनायक। छाँड़े अति कराल बहु सायक।।
तनु महुँ प्रबिसि निसरि सर जाहीं। जिमि दामिनि घन माझ समाहीं।।
सोनित स्त्रवत सोह तन कारे। जनु कज्जल गिरि गेरु पनारे।।
बिकल बिलोकि भालु कपि धाए। बिहँसा जबहिं निकट कपि आए।।
दोहा/सोरठा
महानाद करि गर्जा कोटि कोटि गहि कीस।
महि पटकइ गजराज इव सपथ करइ दससीस।।69।।
चौपाई
भागे भालु बलीमुख जूथा। बृकु बिलोकि जिमि मेष बरूथा।।
चले भागि कपि भालु भवानी। बिकल पुकारत आरत बानी।।
यह निसिचर दुकाल सम अहई। कपिकुल देस परन अब चहई।।
कृपा बारिधर राम खरारी। पाहि पाहि प्रनतारति हारी।।
सकरुन बचन सुनत भगवाना। चले सुधारि सरासन बाना।।
राम सेन निज पाछैं घाली। चले सकोप महा बलसाली।।
खैंचि धनुष सर सत संधाने। छूटे तीर सरीर समाने।।
लागत सर धावा रिस भरा। कुधर डगमगत डोलति धरा।।
लीन्ह एक तेहिं सैल उपाटी। रघुकुल तिलक भुजा सोइ काटी।।
धावा बाम बाहु गिरि धारी। प्रभु सोउ भुजा काटि महि पारी।।
काटें भुजा सोह खल कैसा। पच्छहीन मंदर गिरि जैसा।।
उग्र बिलोकनि प्रभुहि बिलोका। ग्रसन चहत मानहुँ त्रेलोका।।
दोहा/सोरठा
करि चिक्कार घोर अति धावा बदनु पसारि।
गगन सिद्ध सुर त्रासित हा हा हेति पुकारि।।70।।
चौपाई
kuṃbhakarana mana dīkha bicārī. hati dhana mājha nisācara dhārī..
bhā ati kruddha mahābala bīrā. kiyō mṛganāyaka nāda gaombhīrā..
kōpi mahīdhara lēi upārī. ḍārai jahaom markaṭa bhaṭa bhārī..
āvata dēkhi saila prabhū bhārē. saranhi kāṭi raja sama kari ḍārē...
puni dhanu tāni kōpi raghunāyaka. chāomḍaē ati karāla bahu sāyaka..
tanu mahuom prabisi nisari sara jāhīṃ. jimi dāmini ghana mājha samāhīṃ..
sōnita stravata sōha tana kārē. janu kajjala giri gēru panārē..
bikala bilōki bhālu kapi dhāē. bihaomsā jabahiṃ nikaṭa kapi āē..
चौपाई
bhāgē bhālu balīmukha jūthā. bṛku bilōki jimi mēṣa barūthā..
calē bhāgi kapi bhālu bhavānī. bikala pukārata ārata bānī..
yaha nisicara dukāla sama ahaī. kapikula dēsa parana aba cahaī..
kṛpā bāridhara rāma kharārī. pāhi pāhi pranatārati hārī..
sakaruna bacana sunata bhagavānā. calē sudhāri sarāsana bānā..
rāma sēna nija pāchaiṃ ghālī. calē sakōpa mahā balasālī..
khaiṃci dhanuṣa sara sata saṃdhānē. chūṭē tīra sarīra samānē..
lāgata sara dhāvā risa bharā. kudhara ḍagamagata ḍōlati dharā..
līnha ēka tēhiṃ saila upāṭī. raghukula tilaka bhujā sōi kāṭī..
dhāvā bāma bāhu giri dhārī. prabhu sōu bhujā kāṭi mahi pārī..
kāṭēṃ bhujā sōha khala kaisā. pacchahīna maṃdara giri jaisā..
ugra bilōkani prabhuhi bilōkā. grasana cahata mānahuom trēlōkā..
