चौपाई
कहि दुर्बचन क्रुद्ध दसकंधर। कुलिस समान लाग छाँड़ै सर।।
नानाकार सिलीमुख धाए। दिसि अरु बिदिस गगन महि छाए।।
पावक सर छाँड़ेउ रघुबीरा। छन महुँ जरे निसाचर तीरा।।
छाड़िसि तीब्र सक्ति खिसिआई। बान संग प्रभु फेरि चलाई।।
कोटिक चक्र त्रिसूल पबारै। बिनु प्रयास प्रभु काटि निवारै।।
निफल होहिं रावन सर कैसें। खल के सकल मनोरथ जैसें।।
तब सत बान सारथी मारेसि। परेउ भूमि जय राम पुकारेसि।।
राम कृपा करि सूत उठावा। तब प्रभु परम क्रोध कहुँ पावा।।
चौपाई
चले बान सपच्छ जनु उरगा। प्रथमहिं हतेउ सारथी तुरगा।।
रथ बिभंजि हति केतु पताका। गर्जा अति अंतर बल थाका।।
तुरत आन रथ चढ़ि खिसिआना। अस्त्र सस्त्र छाँड़ेसि बिधि नाना।।
बिफल होहिं सब उद्यम ताके। जिमि परद्रोह निरत मनसा के।।
तब रावन दस सूल चलावा। बाजि चारि महि मारि गिरावा।।
तुरग उठाइ कोपि रघुनायक। खैंचि सरासन छाँड़े सायक।।
रावन सिर सरोज बनचारी। चलि रघुबीर सिलीमुख धारी।।
दस दस बान भाल दस मारे। निसरि गए चले रुधिर पनारे।।
स्त्रवत रुधिर धायउ बलवाना। प्रभु पुनि कृत धनु सर संधाना।।
तीस तीर रघुबीर पबारे। भुजन्हि समेत सीस महि पारे।।
काटतहीं पुनि भए नबीने। राम बहोरि भुजा सिर छीने।।
प्रभु बहु बार बाहु सिर हए। कटत झटिति पुनि नूतन भए।।
पुनि पुनि प्रभु काटत भुज सीसा। अति कौतुकी कोसलाधीसा।।
रहे छाइ नभ सिर अरु बाहू। मानहुँ अमित केतु अरु राहू।।
चौपाई
kahi durbacana kruddha dasakaṃdhara. kulisa samāna lāga chāomḍaai sara..
nānākāra silīmukha dhāē. disi aru bidisa gagana mahi chāē..
pāvaka sara chāomḍaēu raghubīrā. chana mahuom jarē nisācara tīrā..
chāḍaisi tībra sakti khisiāī. bāna saṃga prabhu phēri calāī..
kōṭika cakra trisūla pabārai. binu prayāsa prabhu kāṭi nivārai..
niphala hōhiṃ rāvana sara kaisēṃ. khala kē sakala manōratha jaisēṃ..
taba sata bāna sārathī mārēsi. parēu bhūmi jaya rāma pukārēsi..
rāma kṛpā kari sūta uṭhāvā. taba prabhu parama krōdha kahuom pāvā..
चौपाई
calē bāna sapaccha janu uragā. prathamahiṃ hatēu sārathī turagā..
ratha bibhaṃji hati kētu patākā. garjā ati aṃtara bala thākā..
turata āna ratha caḍhai khisiānā. astra sastra chāomḍaēsi bidhi nānā..
biphala hōhiṃ saba udyama tākē. jimi paradrōha nirata manasā kē..
taba rāvana dasa sūla calāvā. bāji cāri mahi māri girāvā..
turaga uṭhāi kōpi raghunāyaka. khaiṃci sarāsana chāomḍaē sāyaka..
rāvana sira sarōja banacārī. cali raghubīra silīmukha dhārī..
dasa dasa bāna bhāla dasa mārē. nisari gaē calē rudhira panārē..
stravata rudhira dhāyau balavānā. prabhu puni kṛta dhanu sara saṃdhānā..
tīsa tīra raghubīra pabārē. bhujanhi samēta sīsa mahi pārē..
kāṭatahīṃ puni bhaē nabīnē. rāma bahōri bhujā sira chīnē..
prabhu bahu bāra bāhu sira haē. kaṭata jhaṭiti puni nūtana bhaē..
puni puni prabhu kāṭata bhuja sīsā. ati kautukī kōsalādhīsā..
rahē chāi nabha sira aru bāhū. mānahuom amita kētu aru rāhū..
