चौपाई
देवन्ह प्रभुहि पयादें देखा। उपजा उर अति छोभ बिसेषा।।
सुरपति निज रथ तुरत पठावा। हरष सहित मातलि लै आवा।।
तेज पुंज रथ दिब्य अनूपा। हरषि चढ़े कोसलपुर भूपा।।
चंचल तुरग मनोहर चारी। अजर अमर मन सम गतिकारी।।
रथारूढ़ रघुनाथहि देखी। धाए कपि बलु पाइ बिसेषी।।
सही न जाइ कपिन्ह कै मारी। तब रावन माया बिस्तारी।।
सो माया रघुबीरहि बाँची। लछिमन कपिन्ह सो मानी साँची।।
देखी कपिन्ह निसाचर अनी। अनुज सहित बहु कोसलधनी।।
चौपाई
अस कहि रथ रघुनाथ चलावा। बिप्र चरन पंकज सिरु नावा।।
तब लंकेस क्रोध उर छावा। गर्जत तर्जत सन्मुख धावा।।
जीतेहु जे भट संजुग माहीं। सुनु तापस मैं तिन्ह सम नाहीं।।
रावन नाम जगत जस जाना। लोकप जाकें बंदीखाना।।
खर दूषन बिराध तुम्ह मारा। बधेहु ब्याध इव बालि बिचारा।।
निसिचर निकर सुभट संघारेहु। कुंभकरन घननादहि मारेहु।।
आजु बयरु सबु लेउँ निबाही। जौं रन भूप भाजि नहिं जाहीं।।
आजु करउँ खलु काल हवाले। परेहु कठिन रावन के पाले।।
सुनि दुर्बचन कालबस जाना। बिहँसि बचन कह कृपानिधाना।।
सत्य सत्य सब तव प्रभुताई। जल्पसि जनि देखाउ मनुसाई।।
चौपाई
dēvanha prabhuhi payādēṃ dēkhā. upajā ura ati chōbha bisēṣā..
surapati nija ratha turata paṭhāvā. haraṣa sahita mātali lai āvā..
tēja puṃja ratha dibya anūpā. haraṣi caḍhaē kōsalapura bhūpā..
caṃcala turaga manōhara cārī. ajara amara mana sama gatikārī..
rathārūḍha raghunāthahi dēkhī. dhāē kapi balu pāi bisēṣī..
sahī na jāi kapinha kai mārī. taba rāvana māyā bistārī..
sō māyā raghubīrahi bāomcī. lachimana kapinha sō mānī sāomcī..
dēkhī kapinha nisācara anī. anuja sahita bahu kōsaladhanī..
चौपाई
asa kahi ratha raghunātha calāvā. bipra carana paṃkaja siru nāvā..
taba laṃkēsa krōdha ura chāvā. garjata tarjata sanmukha dhāvā..
jītēhu jē bhaṭa saṃjuga māhīṃ. sunu tāpasa maiṃ tinha sama nāhīṃ..
rāvana nāma jagata jasa jānā. lōkapa jākēṃ baṃdīkhānā..
khara dūṣana birādha tumha mārā. badhēhu byādha iva bāli bicārā..
nisicara nikara subhaṭa saṃghārēhu. kuṃbhakarana ghananādahi mārēhu..
āju bayaru sabu lēuom nibāhī. jauṃ rana bhūpa bhāji nahiṃ jāhīṃ..
āju karauom khalu kāla havālē. parēhu kaṭhina rāvana kē pālē..
suni durbacana kālabasa jānā. bihaomsi bacana kaha kṛpānidhānā..
satya satya saba tava prabhutāī. jalpasi jani dēkhāu manusāī..
