चौपाई
प्रभु छन महुँ माया सब काटी। जिमि रबि उएँ जाहिं तम फाटी।।
रावनु एकु देखि सुर हरषे। फिरे सुमन बहु प्रभु पर बरषे।।
भुज उठाइ रघुपति कपि फेरे। फिरे एक एकन्ह तब टेरे।।
प्रभु बलु पाइ भालु कपि धाए। तरल तमकि संजुग महि आए।।
अस्तुति करत देवतन्हि देखें। भयउँ एक मैं इन्ह के लेखें।।
सठहु सदा तुम्ह मोर मरायल। अस कहि कोपि गगन पर धायल।।
हाहाकार करत सुर भागे। खलहु जाहु कहँ मोरें आगे।।
देखि बिकल सुर अंगद धायो। कूदि चरन गहि भूमि गिरायो।।
चौपाई
सिर भुज बाढ़ि देखि रिपु केरी। भालु कपिन्ह रिस भई घनेरी।।
मरत न मूढ़ कटेउ भुज सीसा। धाए कोपि भालु भट कीसा।।
बालितनय मारुति नल नीला। बानरराज दुबिद बलसीला।।
बिटप महीधर करहिं प्रहारा। सोइ गिरि तरु गहि कपिन्ह सो मारा।।
एक नखन्हि रिपु बपुष बिदारी। भअगि चलहिं एक लातन्ह मारी।।
तब नल नील सिरन्हि चढ़ि गयऊ। नखन्हि लिलार बिदारत भयऊ।।
रुधिर देखि बिषाद उर भारी। तिन्हहि धरन कहुँ भुजा पसारी।।
गहे न जाहिं करन्हि पर फिरहीं। जनु जुग मधुप कमल बन चरहीं।।
कोपि कूदि द्वौ धरेसि बहोरी। महि पटकत भजे भुजा मरोरी।।
पुनि सकोप दस धनु कर लीन्हे। सरन्हि मारि घायल कपि कीन्हे।।
हनुमदादि मुरुछित करि बंदर। पाइ प्रदोष हरष दसकंधर।।
मुरुछित देखि सकल कपि बीरा। जामवंत धायउ रनधीरा।।
संग भालु भूधर तरु धारी। मारन लगे पचारि पचारी।।
भयउ क्रुद्ध रावन बलवाना। गहि पद महि पटकइ भट नाना।।
देखि भालुपति निज दल घाता। कोपि माझ उर मारेसि लाता।।
चौपाई
prabhu chana mahuom māyā saba kāṭī. jimi rabi uēom jāhiṃ tama phāṭī..
rāvanu ēku dēkhi sura haraṣē. phirē sumana bahu prabhu para baraṣē..
bhuja uṭhāi raghupati kapi phērē. phirē ēka ēkanha taba ṭērē..
prabhu balu pāi bhālu kapi dhāē. tarala tamaki saṃjuga mahi āē..
astuti karata dēvatanhi dēkhēṃ. bhayauom ēka maiṃ inha kē lēkhēṃ..
saṭhahu sadā tumha mōra marāyala. asa kahi kōpi gagana para dhāyala..
hāhākāra karata sura bhāgē. khalahu jāhu kahaom mōrēṃ āgē..
dēkhi bikala sura aṃgada dhāyō. kūdi carana gahi bhūmi girāyō..
चौपाई
sira bhuja bāḍhai dēkhi ripu kērī. bhālu kapinha risa bhaī ghanērī..
marata na mūḍha kaṭēu bhuja sīsā. dhāē kōpi bhālu bhaṭa kīsā..
bālitanaya māruti nala nīlā. bānararāja dubida balasīlā..
biṭapa mahīdhara karahiṃ prahārā. sōi giri taru gahi kapinha sō mārā..
ēka nakhanhi ripu bapuṣa bidārī. bhaagi calahiṃ ēka lātanha mārī..
taba nala nīla siranhi caḍhai gayaū. nakhanhi lilāra bidārata bhayaū..
rudhira dēkhi biṣāda ura bhārī. tinhahi dharana kahuom bhujā pasārī..
gahē na jāhiṃ karanhi para phirahīṃ. janu juga madhupa kamala bana carahīṃ..
kōpi kūdi dvau dharēsi bahōrī. mahi paṭakata bhajē bhujā marōrī..
puni sakōpa dasa dhanu kara līnhē. saranhi māri ghāyala kapi kīnhē..
hanumadādi muruchita kari baṃdara. pāi pradōṣa haraṣa dasakaṃdhara..
muruchita dēkhi sakala kapi bīrā. jāmavaṃta dhāyau ranadhīrā..
saṃga bhālu bhūdhara taru dhārī. mārana lagē pacāri pacārī..
bhayau kruddha rāvana balavānā. gahi pada mahi paṭakai bhaṭa nānā..
dēkhi bhālupati nija dala ghātā. kōpi mājha ura mārēsi lātā..
