छंद
जय राम सदा सुखधाम हरे। रघुनायक सायक चाप धरे।।
भव बारन दारन सिंह प्रभो। गुन सागर नागर नाथ बिभो।।
तन काम अनेक अनूप छबी। गुन गावत सिद्ध मुनींद्र कबी।।
जसु पावन रावन नाग महा। खगनाथ जथा करि कोप गहा।।
जन रंजन भंजन सोक भयं। गतक्रोध सदा प्रभु बोधमयं।।
अवतार उदार अपार गुनं। महि भार बिभंजन ग्यानघनं।।
अज ब्यापकमेकमनादि सदा। करुनाकर राम नमामि मुदा।।
रघुबंस बिभूषन दूषन हा। कृत भूप बिभीषन दीन रहा।।
गुन ग्यान निधान अमान अजं। नित राम नमामि बिभुं बिरजं।।
भुजदंड प्रचंड प्रताप बलं। खल बृंद निकंद महा कुसलं।।
बिनु कारन दीन दयाल हितं। छबि धाम नमामि रमा सहितं।।
भव तारन कारन काज परं। मन संभव दारुन दोष हरं।।
सर चाप मनोहर त्रोन धरं। जरजारुन लोचन भूपबरं।।
सुख मंदिर सुंदर श्रीरमनं। मद मार मुधा ममता समनं।।
अनवद्य अखंड न गोचर गो। सबरूप सदा सब होइ न गो।।
इति बेद बदंति न दंतकथा। रबि आतप भिन्नमभिन्न जथा।।
कृतकृत्य बिभो सब बानर ए। निरखंति तवानन सादर ए।।
धिग जीवन देव सरीर हरे। तव भक्ति बिना भव भूलि परे।।
अब दीन दयाल दया करिऐ। मति मोरि बिभेदकरी हरिऐ।।
जेहि ते बिपरीत क्रिया करिऐ। दुख सो सुख मानि सुखी चरिऐ।।
खल खंडन मंडन रम्य छमा। पद पंकज सेवित संभु उमा।।
नृप नायक दे बरदानमिदं। चरनांबुज प्रेम सदा सुभदं।।
चौपाई
तेहि अवसर दसरथ तहँ आए। तनय बिलोकि नयन जल छाए।।
अनुज सहित प्रभु बंदन कीन्हा। आसिरबाद पिताँ तब दीन्हा।।
तात सकल तव पुन्य प्रभाऊ। जीत्यों अजय निसाचर राऊ।।
सुनि सुत बचन प्रीति अति बाढ़ी। नयन सलिल रोमावलि ठाढ़ी।।
रघुपति प्रथम प्रेम अनुमाना। चितइ पितहि दीन्हेउ दृढ़ ग्याना।।
ताते उमा मोच्छ नहिं पायो। दसरथ भेद भगति मन लायो।।
सगुनोपासक मोच्छ न लेहीं। तिन्ह कहुँ राम भगति निज देहीं।।
बार बार करि प्रभुहि प्रनामा। दसरथ हरषि गए सुरधामा।।
छंद
jaya rāma sadā sukhadhāma harē. raghunāyaka sāyaka cāpa dharē..
bhava bārana dārana siṃha prabhō. guna sāgara nāgara nātha bibhō..
tana kāma anēka anūpa chabī. guna gāvata siddha munīṃdra kabī..
jasu pāvana rāvana nāga mahā. khaganātha jathā kari kōpa gahā..
jana raṃjana bhaṃjana sōka bhayaṃ. gatakrōdha sadā prabhu bōdhamayaṃ..
avatāra udāra apāra gunaṃ. mahi bhāra bibhaṃjana gyānaghanaṃ..
aja byāpakamēkamanādi sadā. karunākara rāma namāmi mudā..
raghubaṃsa bibhūṣana dūṣana hā. kṛta bhūpa bibhīṣana dīna rahā..
guna gyāna nidhāna amāna ajaṃ. nita rāma namāmi bibhuṃ birajaṃ..
bhujadaṃḍa pracaṃḍa pratāpa balaṃ. khala bṛṃda nikaṃda mahā kusalaṃ..
binu kārana dīna dayāla hitaṃ. chabi dhāma namāmi ramā sahitaṃ..
bhava tārana kārana kāja paraṃ. mana saṃbhava dāruna dōṣa haraṃ..
sara cāpa manōhara trōna dharaṃ. jarajāruna lōcana bhūpabaraṃ..
sukha maṃdira suṃdara śrīramanaṃ. mada māra mudhā mamatā samanaṃ..
anavadya akhaṃḍa na gōcara gō. sabarūpa sadā saba hōi na gō..
iti bēda badaṃti na daṃtakathā. rabi ātapa bhinnamabhinna jathā..
kṛtakṛtya bibhō saba bānara ē. nirakhaṃti tavānana sādara ē..
dhiga jīvana dēva sarīra harē. tava bhakti binā bhava bhūli parē..
aba dīna dayāla dayā kariai. mati mōri bibhēdakarī hariai..
jēhi tē biparīta kriyā kariai. dukha sō sukha māni sukhī cariai..
khala khaṃḍana maṃḍana ramya chamā. pada paṃkaja sēvita saṃbhu umā..
nṛpa nāyaka dē baradānamidaṃ. caranāṃbuja prēma sadā subhadaṃ..
चौपाई
tēhi avasara dasaratha tahaom āē. tanaya bilōki nayana jala chāē..
anuja sahita prabhu baṃdana kīnhā. āsirabāda pitāom taba dīnhā..
tāta sakala tava punya prabhāū. jītyōṃ ajaya nisācara rāū..
suni suta bacana prīti ati bāḍhaī. nayana salila rōmāvali ṭhāḍhaī..
raghupati prathama prēma anumānā. citai pitahi dīnhēu dṛḍha gyānā..
tātē umā mōccha nahiṃ pāyō. dasaratha bhēda bhagati mana lāyō..
sagunōpāsaka mōccha na lēhīṃ. tinha kahuom rāma bhagati nija dēhīṃ..
bāra bāra kari prabhuhi pranāmā. dasaratha haraṣi gaē suradhāmā..
