छंद
जय राम सोभा धाम। दायक प्रनत बिश्राम।।
धृत त्रोन बर सर चाप। भुजदंड प्रबल प्रताप।।1।।
जय दूषनारि खरारि। मर्दन निसाचर धारि।।
यह दुष्ट मारेउ नाथ। भए देव सकल सनाथ।।2।।
जय हरन धरनी भार। महिमा उदार अपार।।
जय रावनारि कृपाल। किए जातुधान बिहाल।।3।।
लंकेस अति बल गर्ब। किए बस्य सुर गंधर्ब।।
मुनि सिद्ध नर खग नाग। हठि पंथ सब कें लाग।।4।।
परद्रोह रत अति दुष्ट। पायो सो फलु पापिष्ट।।
अब सुनहु दीन दयाल। राजीव नयन बिसाल।।5।।
मोहि रहा अति अभिमान। नहिं कोउ मोहि समान।।
अब देखि प्रभु पद कंज। गत मान प्रद दुख पुंज।।6।।
कोउ ब्रह्म निर्गुन ध्याव। अब्यक्त जेहि श्रुति गाव।।
मोहि भाव कोसल भूप। श्रीराम सगुन सरूप।।7।।
बैदेहि अनुज समेत। मम हृदयँ करहु निकेत।।
मोहि जानिए निज दास। दे भक्ति रमानिवास।।8।।
दे भक्ति रमानिवास त्रास हरन सरन सुखदायकं।
सुख धाम राम नमामि काम अनेक छबि रघुनायकं।।
सुर बृंद रंजन द्वंद भंजन मनुज तनु अतुलितबलं।
ब्रह्मादि संकर सेब्य राम नमामि करुना कोमलं।।
चौपाई
सुनु सुरपति कपि भालु हमारे। परे भूमि निसचरन्हि जे मारे।।
मम हित लागि तजे इन्ह प्राना। सकल जिआउ सुरेस सुजाना।।
सुनु खगेस प्रभु कै यह बानी। अति अगाध जानहिं मुनि ग्यानी।।
प्रभु सक त्रिभुअन मारि जिआई। केवल सक्रहि दीन्हि बड़ाई।।
सुधा बरषि कपि भालु जिआए। हरषि उठे सब प्रभु पहिं आए।।
सुधाबृष्टि भै दुहु दल ऊपर। जिए भालु कपि नहिं रजनीचर।।
रामाकार भए तिन्ह के मन। मुक्त भए छूटे भव बंधन।।
सुर अंसिक सब कपि अरु रीछा। जिए सकल रघुपति कीं ईछा।।
राम सरिस को दीन हितकारी। कीन्हे मुकुत निसाचर झारी।।
खल मल धाम काम रत रावन। गति पाई जो मुनिबर पाव न।।
छंद
jaya rāma sōbhā dhāma. dāyaka pranata biśrāma..
dhṛta trōna bara sara cāpa. bhujadaṃḍa prabala pratāpa..1..
jaya dūṣanāri kharāri. mardana nisācara dhāri..
yaha duṣṭa mārēu nātha. bhaē dēva sakala sanātha..2..
jaya harana dharanī bhāra. mahimā udāra apāra..
jaya rāvanāri kṛpāla. kiē jātudhāna bihāla..3..
laṃkēsa ati bala garba. kiē basya sura gaṃdharba..
muni siddha nara khaga nāga. haṭhi paṃtha saba kēṃ lāga..4..
paradrōha rata ati duṣṭa. pāyō sō phalu pāpiṣṭa..
aba sunahu dīna dayāla. rājīva nayana bisāla..5..
mōhi rahā ati abhimāna. nahiṃ kōu mōhi samāna..
aba dēkhi prabhu pada kaṃja. gata māna prada dukha puṃja..6..
kōu brahma nirguna dhyāva. abyakta jēhi śruti gāva..
mōhi bhāva kōsala bhūpa. śrīrāma saguna sarūpa..7..
baidēhi anuja samēta. mama hṛdayaom karahu nikēta..
mōhi jāniē nija dāsa. dē bhakti ramānivāsa..8..
dē bhakti ramānivāsa trāsa harana sarana sukhadāyakaṃ.
sukha dhāma rāma namāmi kāma anēka chabi raghunāyakaṃ..
sura bṛṃda raṃjana dvaṃda bhaṃjana manuja tanu atulitabalaṃ.
brahmādi saṃkara sēbya rāma namāmi karunā kōmalaṃ..
चौपाई
sunu surapati kapi bhālu hamārē. parē bhūmi nisacaranhi jē mārē..
mama hita lāgi tajē inha prānā. sakala jiāu surēsa sujānā..
sunu khagēsa prabhu kai yaha bānī. ati agādha jānahiṃ muni gyānī..
prabhu saka tribhuana māri jiāī. kēvala sakrahi dīnhi baḍaāī..
sudhā baraṣi kapi bhālu jiāē. haraṣi uṭhē saba prabhu pahiṃ āē..
sudhābṛṣṭi bhai duhu dala ūpara. jiē bhālu kapi nahiṃ rajanīcara..
rāmākāra bhaē tinha kē mana. mukta bhaē chūṭē bhava baṃdhana..
sura aṃsika saba kapi aru rīchā. jiē sakala raghupati kīṃ īchā..
rāma sarisa kō dīna hitakārī. kīnhē mukuta nisācara jhārī..
khala mala dhāma kāma rata rāvana. gati pāī jō munibara pāva na..
