चौपाई
सुनत बिभीषन बचन राम के। हरषि गहे पद कृपाधाम के।।
बानर भालु सकल हरषाने। गहि प्रभु पद गुन बिमल बखाने।।
बहुरि बिभीषन भवन सिधायो। मनि गन बसन बिमान भरायो।।
लै पुष्पक प्रभु आगें राखा। हँसि करि कृपासिंधु तब भाषा।।
चढ़ि बिमान सुनु सखा बिभीषन। गगन जाइ बरषहु पट भूषन।।
नभ पर जाइ बिभीषन तबही। बरषि दिए मनि अंबर सबही।।
जोइ जोइ मन भावइ सोइ लेहीं। मनि मुख मेलि डारि कपि देहीं।।
हँसे रामु श्री अनुज समेता। परम कौतुकी कृपा निकेता।।
चौपाई
भालु कपिन्ह पट भूषन पाए। पहिरि पहिरि रघुपति पहिं आए।।
नाना जिनस देखि सब कीसा। पुनि पुनि हँसत कोसलाधीसा।।
चितइ सबन्हि पर कीन्हि दाया। बोले मृदुल बचन रघुराया।।
तुम्हरें बल मैं रावनु मार् यो। तिलक बिभीषन कहँ पुनि सार् यो।।
निज निज गृह अब तुम्ह सब जाहू। सुमिरेहु मोहि डरपहु जनि काहू।।
सुनत बचन प्रेमाकुल बानर। जोरि पानि बोले सब सादर।।
प्रभु जोइ कहहु तुम्हहि सब सोहा। हमरे होत बचन सुनि मोहा।।
दीन जानि कपि किए सनाथा। तुम्ह त्रेलोक ईस रघुनाथा।।
सुनि प्रभु बचन लाज हम मरहीं। मसक कहूँ खगपति हित करहीं।।
देखि राम रुख बानर रीछा। प्रेम मगन नहिं गृह कै ईछा।।
चौपाई
sunata bibhīṣana bacana rāma kē. haraṣi gahē pada kṛpādhāma kē..
bānara bhālu sakala haraṣānē. gahi prabhu pada guna bimala bakhānē..
bahuri bibhīṣana bhavana sidhāyō. mani gana basana bimāna bharāyō..
lai puṣpaka prabhu āgēṃ rākhā. haomsi kari kṛpāsiṃdhu taba bhāṣā..
caḍhai bimāna sunu sakhā bibhīṣana. gagana jāi baraṣahu paṭa bhūṣana..
nabha para jāi bibhīṣana tabahī. baraṣi diē mani aṃbara sabahī..
jōi jōi mana bhāvai sōi lēhīṃ. mani mukha mēli ḍāri kapi dēhīṃ..
haomsē rāmu śrī anuja samētā. parama kautukī kṛpā nikētā..
चौपाई
bhālu kapinha paṭa bhūṣana pāē. pahiri pahiri raghupati pahiṃ āē..
nānā jinasa dēkhi saba kīsā. puni puni haomsata kōsalādhīsā..
citai sabanhi para kīnhi dāyā. bōlē mṛdula bacana raghurāyā..
tumharēṃ bala maiṃ rāvanu mār yō. tilaka bibhīṣana kahaom puni sār yō..
nija nija gṛha aba tumha saba jāhū. sumirēhu mōhi ḍarapahu jani kāhū..
sunata bacana prēmākula bānara. jōri pāni bōlē saba sādara..
prabhu jōi kahahu tumhahi saba sōhā. hamarē hōta bacana suni mōhā..
dīna jāni kapi kiē sanāthā. tumha trēlōka īsa raghunāthā..
suni prabhu bacana lāja hama marahīṃ. masaka kahūom khagapati hita karahīṃ..
dēkhi rāma rukha bānara rīchā. prēma magana nahiṃ gṛha kai īchā..
