छंद
मामभिरक्षय रघुकुल नायक। धृत बर चाप रुचिर कर सायक।।
मोह महा घन पटल प्रभंजन। संसय बिपिन अनल सुर रंजन।।1।।
अगुन सगुन गुन मंदिर सुंदर। भ्रम तम प्रबल प्रताप दिवाकर।।
काम क्रोध मद गज पंचानन। बसहु निरंतर जन मन कानन।।2।।
बिषय मनोरथ पुंज कंज बन। प्रबल तुषार उदार पार मन।।
भव बारिधि मंदर परमं दर। बारय तारय संसृति दुस्तर।।3।।
स्याम गात राजीव बिलोचन। दीन बंधु प्रनतारति मोचन।।
अनुज जानकी सहित निरंतर। बसहु राम नृप मम उर अंतर।।4।।
मुनि रंजन महि मंडल मंडन। तुलसिदास प्रभु त्रास बिखंडन।।5।।
चौपाई
करि बिनती जब संभु सिधाए। तब प्रभु निकट बिभीषनु आए।।
नाइ चरन सिरु कह मृदु बानी। बिनय सुनहु प्रभु सारँगपानी।।
सकुल सदल प्रभु रावन मार् यो। पावन जस त्रिभुवन बिस्तार् यो।।
दीन मलीन हीन मति जाती। मो पर कृपा कीन्हि बहु भाँती।।
अब जन गृह पुनीत प्रभु कीजे। मज्जनु करिअ समर श्रम छीजे।।
देखि कोस मंदिर संपदा। देहु कृपाल कपिन्ह कहुँ मुदा।।
सब बिधि नाथ मोहि अपनाइअ। पुनि मोहि सहित अवधपुर जाइअ।।
सुनत बचन मृदु दीनदयाला। सजल भए द्वौ नयन बिसाला।।
छंद
māmabhirakṣaya raghukula nāyaka. dhṛta bara cāpa rucira kara sāyaka..
mōha mahā ghana paṭala prabhaṃjana. saṃsaya bipina anala sura raṃjana..1..
aguna saguna guna maṃdira suṃdara. bhrama tama prabala pratāpa divākara..
kāma krōdha mada gaja paṃcānana. basahu niraṃtara jana mana kānana..2..
biṣaya manōratha puṃja kaṃja bana. prabala tuṣāra udāra pāra mana..
bhava bāridhi maṃdara paramaṃ dara. bāraya tāraya saṃsṛti dustara..3..
syāma gāta rājīva bilōcana. dīna baṃdhu pranatārati mōcana..
anuja jānakī sahita niraṃtara. basahu rāma nṛpa mama ura aṃtara..4..
muni raṃjana mahi maṃḍala maṃḍana. tulasidāsa prabhu trāsa bikhaṃḍana..5..
चौपाई
kari binatī jaba saṃbhu sidhāē. taba prabhu nikaṭa bibhīṣanu āē..
nāi carana siru kaha mṛdu bānī. binaya sunahu prabhu sāraomgapānī..
sakula sadala prabhu rāvana mār yō. pāvana jasa tribhuvana bistār yō..
dīna malīna hīna mati jātī. mō para kṛpā kīnhi bahu bhāomtī..
aba jana gṛha punīta prabhu kījē. majjanu karia samara śrama chījē..
dēkhi kōsa maṃdira saṃpadā. dēhu kṛpāla kapinha kahuom mudā..
saba bidhi nātha mōhi apanāia. puni mōhi sahita avadhapura jāia..
sunata bacana mṛdu dīnadayālā. sajala bhaē dvau nayana bisālā..
