चौपाई
देखु बिभीषन दच्छिन आसा। घन घंमड दामिनि बिलासा।।
मधुर मधुर गरजइ घन घोरा। होइ बृष्टि जनि उपल कठोरा।।
कहत बिभीषन सुनहु कृपाला। होइ न तड़ित न बारिद माला।।
लंका सिखर उपर आगारा। तहँ दसकंघर देख अखारा।।
छत्र मेघडंबर सिर धारी। सोइ जनु जलद घटा अति कारी।।
मंदोदरी श्रवन ताटंका। सोइ प्रभु जनु दामिनी दमंका।।
बाजहिं ताल मृदंग अनूपा। सोइ रव मधुर सुनहु सुरभूपा।।
प्रभु मुसुकान समुझि अभिमाना। चाप चढ़ाइ बान संधाना।।
दोहा/सोरठा
छत्र मुकुट ताटंक तब हते एकहीं बान।
सबकें देखत महि परे मरमु न कोऊ जान।।13(क)।।
अस कौतुक करि राम सर प्रबिसेउ आइ निषंग।
रावन सभा ससंक सब देखि महा रसभंग।।13(ख)।।
चौपाई
कंप न भूमि न मरुत बिसेषा। अस्त्र सस्त्र कछु नयन न देखा।।
सोचहिं सब निज हृदय मझारी। असगुन भयउ भयंकर भारी।।
दसमुख देखि सभा भय पाई। बिहसि बचन कह जुगुति बनाई।।
सिरउ गिरे संतत सुभ जाही। मुकुट परे कस असगुन ताही।।
सयन करहु निज निज गृह जाई। गवने भवन सकल सिर नाई।।
मंदोदरी सोच उर बसेऊ। जब ते श्रवनपूर महि खसेऊ।।
सजल नयन कह जुग कर जोरी। सुनहु प्रानपति बिनती मोरी।।
कंत राम बिरोध परिहरहू। जानि मनुज जनि हठ मन धरहू।।
दोहा/सोरठा
बिस्वरुप रघुबंस मनि करहु बचन बिस्वासु।
लोक कल्पना बेद कर अंग अंग प्रति जासु।।14।।
चौपाई
dēkhu bibhīṣana dacchina āsā. ghana ghaṃmaḍa dāmini bilāsā..
madhura madhura garajai ghana ghōrā. hōi bṛṣṭi jani upala kaṭhōrā..
kahata bibhīṣana sunahu kṛpālā. hōi na taḍaita na bārida mālā..
laṃkā sikhara upara āgārā. tahaom dasakaṃghara dēkha akhārā..
chatra mēghaḍaṃbara sira dhārī. sōi janu jalada ghaṭā ati kārī..
maṃdōdarī śravana tāṭaṃkā. sōi prabhu janu dāminī damaṃkā..
bājahiṃ tāla mṛdaṃga anūpā. sōi rava madhura sunahu surabhūpā..
prabhu musukāna samujhi abhimānā. cāpa caḍhaāi bāna saṃdhānā..
चौपाई
kaṃpa na bhūmi na maruta bisēṣā. astra sastra kachu nayana na dēkhā..
sōcahiṃ saba nija hṛdaya majhārī. asaguna bhayau bhayaṃkara bhārī..
dasamukha dēkhi sabhā bhaya pāī. bihasi bacana kaha juguti banāī..
sirau girē saṃtata subha jāhī. mukuṭa parē kasa asaguna tāhī..
sayana karahu nija nija gṛha jāī. gavanē bhavana sakala sira nāī..
maṃdōdarī sōca ura basēū. jaba tē śravanapūra mahi khasēū..
sajala nayana kaha juga kara jōrī. sunahu prānapati binatī mōrī..
kaṃta rāma birōdha pariharahū. jāni manuja jani haṭha mana dharahū..
