चौपाई
पूँछहीन बानर तहँ जाइहि। तब सठ निज नाथहि लइ आइहि।।
जिन्ह कै कीन्हसि बहुत बड़ाई। देखेउँमैं तिन्ह कै प्रभुताई।।
बचन सुनत कपि मन मुसुकाना। भइ सहाय सारद मैं जाना।।
जातुधान सुनि रावन बचना। लागे रचैं मूढ़ सोइ रचना।।
रहा न नगर बसन घृत तेला। बाढ़ी पूँछ कीन्ह कपि खेला।।
कौतुक कहँ आए पुरबासी। मारहिं चरन करहिं बहु हाँसी।।
बाजहिं ढोल देहिं सब तारी। नगर फेरि पुनि पूँछ प्रजारी।।
पावक जरत देखि हनुमंता। भयउ परम लघु रुप तुरंता।।
निबुकि चढ़ेउ कपि कनक अटारीं। भई सभीत निसाचर नारीं।।
दोहा/सोरठा
हरि प्रेरित तेहि अवसर चले मरुत उनचास।
अट्टहास करि गर्ज़ा कपि बढ़ि लाग अकास।।25।।
चौपाई
देह बिसाल परम हरुआई। मंदिर तें मंदिर चढ़ धाई।।
जरइ नगर भा लोग बिहाला। झपट लपट बहु कोटि कराला।।
तात मातु हा सुनिअ पुकारा। एहि अवसर को हमहि उबारा।।
हम जो कहा यह कपि नहिं होई। बानर रूप धरें सुर कोई।।
साधु अवग्या कर फलु ऐसा। जरइ नगर अनाथ कर जैसा।।
जारा नगरु निमिष एक माहीं। एक बिभीषन कर गृह नाहीं।।
ता कर दूत अनल जेहिं सिरिजा। जरा न सो तेहि कारन गिरिजा।।
उलटि पलटि लंका सब जारी। कूदि परा पुनि सिंधु मझारी।।
दोहा/सोरठा
पूँछ बुझाइ खोइ श्रम धरि लघु रूप बहोरि।
जनकसुता के आगें ठाढ़ भयउ कर जोरि।।26।।
चौपाई
pūomchahīna bānara tahaom jāihi. taba saṭha nija nāthahi lai āihi..
jinha kai kīnhasi bahuta baḍaāī. dēkhēuommaiṃ tinha kai prabhutāī..
bacana sunata kapi mana musukānā. bhai sahāya sārada maiṃ jānā..
jātudhāna suni rāvana bacanā. lāgē racaiṃ mūḍha sōi racanā..
rahā na nagara basana ghṛta tēlā. bāḍhaī pūomcha kīnha kapi khēlā..
kautuka kahaom āē purabāsī. mārahiṃ carana karahiṃ bahu hāomsī..
bājahiṃ ḍhōla dēhiṃ saba tārī. nagara phēri puni pūomcha prajārī..
pāvaka jarata dēkhi hanumaṃtā. bhayau parama laghu rupa turaṃtā..
nibuki caḍhaēu kapi kanaka aṭārīṃ. bhaī sabhīta nisācara nārīṃ..
चौपाई
dēha bisāla parama haruāī. maṃdira tēṃ maṃdira caḍha dhāī..
jarai nagara bhā lōga bihālā. jhapaṭa lapaṭa bahu kōṭi karālā..
tāta mātu hā sunia pukārā. ēhi avasara kō hamahi ubārā..
hama jō kahā yaha kapi nahiṃ hōī. bānara rūpa dharēṃ sura kōī..
sādhu avagyā kara phalu aisā. jarai nagara anātha kara jaisā..
jārā nagaru nimiṣa ēka māhīṃ. ēka bibhīṣana kara gṛha nāhīṃ..
tā kara dūta anala jēhiṃ sirijā. jarā na sō tēhi kārana girijā..
ulaṭi palaṭi laṃkā saba jārī. kūdi parā puni siṃdhu majhārī..
