चौपाई
चलत मोहि चूड़ामनि दीन्ही। रघुपति हृदयँ लाइ सोइ लीन्ही।।
नाथ जुगल लोचन भरि बारी। बचन कहे कछु जनककुमारी।।
अनुज समेत गहेहु प्रभु चरना। दीन बंधु प्रनतारति हरना।।
मन क्रम बचन चरन अनुरागी। केहि अपराध नाथ हौं त्यागी।।
अवगुन एक मोर मैं माना। बिछुरत प्रान न कीन्ह पयाना।।
नाथ सो नयनन्हि को अपराधा। निसरत प्रान करिहिं हठि बाधा।।
बिरह अगिनि तनु तूल समीरा। स्वास जरइ छन माहिं सरीरा।।
नयन स्त्रवहि जलु निज हित लागी। जरैं न पाव देह बिरहागी।
सीता के अति बिपति बिसाला। बिनहिं कहें भलि दीनदयाला।।
दोहा/सोरठा
निमिष निमिष करुनानिधि जाहिं कलप सम बीति।
बेगि चलिय प्रभु आनिअ भुज बल खल दल जीति।।31।।
चौपाई
सुनि सीता दुख प्रभु सुख अयना। भरि आए जल राजिव नयना।।
बचन काँय मन मम गति जाही। सपनेहुँ बूझिअ बिपति कि ताही।।
कह हनुमंत बिपति प्रभु सोई। जब तव सुमिरन भजन न होई।।
केतिक बात प्रभु जातुधान की। रिपुहि जीति आनिबी जानकी।।
सुनु कपि तोहि समान उपकारी। नहिं कोउ सुर नर मुनि तनुधारी।।
प्रति उपकार करौं का तोरा। सनमुख होइ न सकत मन मोरा।।
सुनु सुत उरिन मैं नाहीं। देखेउँ करि बिचार मन माहीं।।
पुनि पुनि कपिहि चितव सुरत्राता। लोचन नीर पुलक अति गाता।।
दोहा/सोरठा
सुनि प्रभु बचन बिलोकि मुख गात हरषि हनुमंत।
चरन परेउ प्रेमाकुल त्राहि त्राहि भगवंत।।32।।
चौपाई
calata mōhi cūḍaāmani dīnhī. raghupati hṛdayaom lāi sōi līnhī..
nātha jugala lōcana bhari bārī. bacana kahē kachu janakakumārī..
anuja samēta gahēhu prabhu caranā. dīna baṃdhu pranatārati haranā..
mana krama bacana carana anurāgī. kēhi aparādha nātha hauṃ tyāgī..
avaguna ēka mōra maiṃ mānā. bichurata prāna na kīnha payānā..
nātha sō nayananhi kō aparādhā. nisarata prāna karihiṃ haṭhi bādhā..
biraha agini tanu tūla samīrā. svāsa jarai chana māhiṃ sarīrā..
nayana stravahi jalu nija hita lāgī. jaraiṃ na pāva dēha birahāgī.
sītā kē ati bipati bisālā. binahiṃ kahēṃ bhali dīnadayālā..
चौपाई
suni sītā dukha prabhu sukha ayanā. bhari āē jala rājiva nayanā..
bacana kāomya mana mama gati jāhī. sapanēhuom būjhia bipati ki tāhī..
kaha hanumaṃta bipati prabhu sōī. jaba tava sumirana bhajana na hōī..
kētika bāta prabhu jātudhāna kī. ripuhi jīti ānibī jānakī..
sunu kapi tōhi samāna upakārī. nahiṃ kōu sura nara muni tanudhārī..
prati upakāra karauṃ kā tōrā. sanamukha hōi na sakata mana mōrā..
sunu suta urina maiṃ nāhīṃ. dēkhēuom kari bicāra mana māhīṃ..
puni puni kapihi citava suratrātā. lōcana nīra pulaka ati gātā..
