चौपाई
श्रवन सुनी सठ ता करि बानी। बिहसा जगत बिदित अभिमानी।।
सभय सुभाउ नारि कर साचा। मंगल महुँ भय मन अति काचा।।
जौं आवइ मर्कट कटकाई। जिअहिं बिचारे निसिचर खाई।।
कंपहिं लोकप जाकी त्रासा। तासु नारि सभीत बड़ि हासा।।
अस कहि बिहसि ताहि उर लाई। चलेउ सभाँ ममता अधिकाई।।
मंदोदरी हृदयँ कर चिंता। भयउ कंत पर बिधि बिपरीता।।
बैठेउ सभाँ खबरि असि पाई। सिंधु पार सेना सब आई।।
बूझेसि सचिव उचित मत कहहू। ते सब हँसे मष्ट करि रहहू।।
जितेहु सुरासुर तब श्रम नाहीं। नर बानर केहि लेखे माही।।
दोहा/सोरठा
सचिव बैद गुर तीनि जौं प्रिय बोलहिं भय आस।
राज धर्म तन तीनि कर होइ बेगिहीं नास।।37।।
चौपाई
सोइ रावन कहुँ बनि सहाई। अस्तुति करहिं सुनाइ सुनाई।।
अवसर जानि बिभीषनु आवा। भ्राता चरन सीसु तेहिं नावा।।
पुनि सिरु नाइ बैठ निज आसन। बोला बचन पाइ अनुसासन।।
जौ कृपाल पूँछिहु मोहि बाता। मति अनुरुप कहउँ हित ताता।।
जो आपन चाहै कल्याना। सुजसु सुमति सुभ गति सुख नाना।।
सो परनारि लिलार गोसाईं। तजउ चउथि के चंद कि नाई।।
चौदह भुवन एक पति होई। भूतद्रोह तिष्टइ नहिं सोई।।
गुन सागर नागर नर जोऊ। अलप लोभ भल कहइ न कोऊ।।
दोहा/सोरठा
काम क्रोध मद लोभ सब नाथ नरक के पंथ।
सब परिहरि रघुबीरहि भजहु भजहिं जेहि संत।।38।।
चौपाई
śravana sunī saṭha tā kari bānī. bihasā jagata bidita abhimānī..
sabhaya subhāu nāri kara sācā. maṃgala mahuom bhaya mana ati kācā..
jauṃ āvai markaṭa kaṭakāī. jiahiṃ bicārē nisicara khāī..
kaṃpahiṃ lōkapa jākī trāsā. tāsu nāri sabhīta baḍai hāsā..
asa kahi bihasi tāhi ura lāī. calēu sabhāom mamatā adhikāī..
maṃdōdarī hṛdayaom kara ciṃtā. bhayau kaṃta para bidhi biparītā..
baiṭhēu sabhāom khabari asi pāī. siṃdhu pāra sēnā saba āī..
būjhēsi saciva ucita mata kahahū. tē saba haomsē maṣṭa kari rahahū..
jitēhu surāsura taba śrama nāhīṃ. nara bānara kēhi lēkhē māhī..
चौपाई
sōi rāvana kahuom bani sahāī. astuti karahiṃ sunāi sunāī..
avasara jāni bibhīṣanu āvā. bhrātā carana sīsu tēhiṃ nāvā..
puni siru nāi baiṭha nija āsana. bōlā bacana pāi anusāsana..
jau kṛpāla pūomchihu mōhi bātā. mati anurupa kahauom hita tātā..
jō āpana cāhai kalyānā. sujasu sumati subha gati sukha nānā..
sō paranāri lilāra gōsāīṃ. tajau cauthi kē caṃda ki nāī..
caudaha bhuvana ēka pati hōī. bhūtadrōha tiṣṭai nahiṃ sōī..
guna sāgara nāgara nara jōū. alapa lōbha bhala kahai na kōū..
