चौपाई
बुध पुरान श्रुति संमत बानी। कही बिभीषन नीति बखानी।।
सुनत दसानन उठा रिसाई। खल तोहि निकट मुत्यु अब आई।।
जिअसि सदा सठ मोर जिआवा। रिपु कर पच्छ मूढ़ तोहि भावा।।
कहसि न खल अस को जग माहीं। भुज बल जाहि जिता मैं नाही।।
मम पुर बसि तपसिन्ह पर प्रीती। सठ मिलु जाइ तिन्हहि कहु नीती।।
अस कहि कीन्हेसि चरन प्रहारा। अनुज गहे पद बारहिं बारा।।
उमा संत कइ इहइ बड़ाई। मंद करत जो करइ भलाई।।
तुम्ह पितु सरिस भलेहिं मोहि मारा। रामु भजें हित नाथ तुम्हारा।।
सचिव संग लै नभ पथ गयऊ। सबहि सुनाइ कहत अस भयऊ।।
दोहा/सोरठा
रामु सत्यसंकल्प प्रभु सभा कालबस तोरि।
मै रघुबीर सरन अब जाउँ देहु जनि खोरि।।41।।
चौपाई
अस कहि चला बिभीषनु जबहीं। आयूहीन भए सब तबहीं।।
साधु अवग्या तुरत भवानी। कर कल्यान अखिल कै हानी।।
रावन जबहिं बिभीषन त्यागा। भयउ बिभव बिनु तबहिं अभागा।।
चलेउ हरषि रघुनायक पाहीं। करत मनोरथ बहु मन माहीं।।
देखिहउँ जाइ चरन जलजाता। अरुन मृदुल सेवक सुखदाता।।
जे पद परसि तरी रिषिनारी। दंडक कानन पावनकारी।।
जे पद जनकसुताँ उर लाए। कपट कुरंग संग धर धाए।।
हर उर सर सरोज पद जेई। अहोभाग्य मै देखिहउँ तेई।।
दोहा/सोरठा
जिन्ह पायन्ह के पादुकन्हि भरतु रहे मन लाइ।
ते पद आजु बिलोकिहउँ इन्ह नयनन्हि अब जाइ।।42।।
चौपाई
budha purāna śruti saṃmata bānī. kahī bibhīṣana nīti bakhānī..
sunata dasānana uṭhā risāī. khala tōhi nikaṭa mutyu aba āī..
jiasi sadā saṭha mōra jiāvā. ripu kara paccha mūḍha tōhi bhāvā..
kahasi na khala asa kō jaga māhīṃ. bhuja bala jāhi jitā maiṃ nāhī..
mama pura basi tapasinha para prītī. saṭha milu jāi tinhahi kahu nītī..
asa kahi kīnhēsi carana prahārā. anuja gahē pada bārahiṃ bārā..
umā saṃta kai ihai baḍaāī. maṃda karata jō karai bhalāī..
tumha pitu sarisa bhalēhiṃ mōhi mārā. rāmu bhajēṃ hita nātha tumhārā..
saciva saṃga lai nabha patha gayaū. sabahi sunāi kahata asa bhayaū..
चौपाई
asa kahi calā bibhīṣanu jabahīṃ. āyūhīna bhaē saba tabahīṃ..
sādhu avagyā turata bhavānī. kara kalyāna akhila kai hānī..
rāvana jabahiṃ bibhīṣana tyāgā. bhayau bibhava binu tabahiṃ abhāgā..
calēu haraṣi raghunāyaka pāhīṃ. karata manōratha bahu mana māhīṃ..
dēkhihauom jāi carana jalajātā. aruna mṛdula sēvaka sukhadātā..
jē pada parasi tarī riṣinārī. daṃḍaka kānana pāvanakārī..
jē pada janakasutāom ura lāē. kapaṭa kuraṃga saṃga dhara dhāē..
hara ura sara sarōja pada jēī. ahōbhāgya mai dēkhihauom tēī..
