चौपाई
एहि बिधि करत सप्रेम बिचारा। आयउ सपदि सिंधु एहिं पारा।।
कपिन्ह बिभीषनु आवत देखा। जाना कोउ रिपु दूत बिसेषा।।
ताहि राखि कपीस पहिं आए। समाचार सब ताहि सुनाए।।
कह सुग्रीव सुनहु रघुराई। आवा मिलन दसानन भाई।।
कह प्रभु सखा बूझिऐ काहा। कहइ कपीस सुनहु नरनाहा।।
जानि न जाइ निसाचर माया। कामरूप केहि कारन आया।।
भेद हमार लेन सठ आवा। राखिअ बाँधि मोहि अस भावा।।
सखा नीति तुम्ह नीकि बिचारी। मम पन सरनागत भयहारी।।
सुनि प्रभु बचन हरष हनुमाना। सरनागत बच्छल भगवाना।।
दोहा/सोरठा
सरनागत कहुँ जे तजहिं निज अनहित अनुमानि।
ते नर पावँर पापमय तिन्हहि बिलोकत हानि।।43।।
चौपाई
कोटि बिप्र बध लागहिं जाहू। आएँ सरन तजउँ नहिं ताहू।।
सनमुख होइ जीव मोहि जबहीं। जन्म कोटि अघ नासहिं तबहीं।।
पापवंत कर सहज सुभाऊ। भजनु मोर तेहि भाव न काऊ।।
जौं पै दुष्टहदय सोइ होई। मोरें सनमुख आव कि सोई।।
निर्मल मन जन सो मोहि पावा। मोहि कपट छल छिद्र न भावा।।
भेद लेन पठवा दससीसा। तबहुँ न कछु भय हानि कपीसा।।
जग महुँ सखा निसाचर जेते। लछिमनु हनइ निमिष महुँ तेते।।
जौं सभीत आवा सरनाई। रखिहउँ ताहि प्रान की नाई।।
दोहा/सोरठा
उभय भाँति तेहि आनहु हँसि कह कृपानिकेत।
जय कृपाल कहि चले अंगद हनू समेत।।44।।
चौपाई
ēhi bidhi karata saprēma bicārā. āyau sapadi siṃdhu ēhiṃ pārā..
kapinha bibhīṣanu āvata dēkhā. jānā kōu ripu dūta bisēṣā..
tāhi rākhi kapīsa pahiṃ āē. samācāra saba tāhi sunāē..
kaha sugrīva sunahu raghurāī. āvā milana dasānana bhāī..
kaha prabhu sakhā būjhiai kāhā. kahai kapīsa sunahu naranāhā..
jāni na jāi nisācara māyā. kāmarūpa kēhi kārana āyā..
bhēda hamāra lēna saṭha āvā. rākhia bāomdhi mōhi asa bhāvā..
sakhā nīti tumha nīki bicārī. mama pana saranāgata bhayahārī..
suni prabhu bacana haraṣa hanumānā. saranāgata bacchala bhagavānā..
चौपाई
kōṭi bipra badha lāgahiṃ jāhū. āēom sarana tajauom nahiṃ tāhū..
sanamukha hōi jīva mōhi jabahīṃ. janma kōṭi agha nāsahiṃ tabahīṃ..
pāpavaṃta kara sahaja subhāū. bhajanu mōra tēhi bhāva na kāū..
jauṃ pai duṣṭahadaya sōi hōī. mōrēṃ sanamukha āva ki sōī..
nirmala mana jana sō mōhi pāvā. mōhi kapaṭa chala chidra na bhāvā..
bhēda lēna paṭhavā dasasīsā. tabahuom na kachu bhaya hāni kapīsā..
jaga mahuom sakhā nisācara jētē. lachimanu hanai nimiṣa mahuom tētē..
jauṃ sabhīta āvā saranāī. rakhihauom tāhi prāna kī nāī..
