चौपाई
तुरत नाइ लछिमन पद माथा। चले दूत बरनत गुन गाथा।।
कहत राम जसु लंकाँ आए। रावन चरन सीस तिन्ह नाए।।
बिहसि दसानन पूँछी बाता। कहसि न सुक आपनि कुसलाता।।
पुनि कहु खबरि बिभीषन केरी। जाहि मृत्यु आई अति नेरी।।
करत राज लंका सठ त्यागी। होइहि जब कर कीट अभागी।।
पुनि कहु भालु कीस कटकाई। कठिन काल प्रेरित चलि आई।।
जिन्ह के जीवन कर रखवारा। भयउ मृदुल चित सिंधु बिचारा।।
कहु तपसिन्ह कै बात बहोरी। जिन्ह के हृदयँ त्रास अति मोरी।।
दोहा/सोरठा
-की भइ भेंट कि फिरि गए श्रवन सुजसु सुनि मोर।
कहसि न रिपु दल तेज बल बहुत चकित चित तोर।।53।।
चौपाई
नाथ कृपा करि पूँछेहु जैसें। मानहु कहा क्रोध तजि तैसें।।
मिला जाइ जब अनुज तुम्हारा। जातहिं राम तिलक तेहि सारा।।
रावन दूत हमहि सुनि काना। कपिन्ह बाँधि दीन्हे दुख नाना।।
श्रवन नासिका काटै लागे। राम सपथ दीन्हे हम त्यागे।।
पूँछिहु नाथ राम कटकाई। बदन कोटि सत बरनि न जाई।।
नाना बरन भालु कपि धारी। बिकटानन बिसाल भयकारी।।
जेहिं पुर दहेउ हतेउ सुत तोरा। सकल कपिन्ह महँ तेहि बलु थोरा।।
अमित नाम भट कठिन कराला। अमित नाग बल बिपुल बिसाला।।
दोहा/सोरठा
द्विबिद मयंद नील नल अंगद गद बिकटासि।
दधिमुख केहरि निसठ सठ जामवंत बलरासि।।54।।
चौपाई
turata nāi lachimana pada māthā. calē dūta baranata guna gāthā..
kahata rāma jasu laṃkāom āē. rāvana carana sīsa tinha nāē..
bihasi dasānana pūomchī bātā. kahasi na suka āpani kusalātā..
puni kahu khabari bibhīṣana kērī. jāhi mṛtyu āī ati nērī..
karata rāja laṃkā saṭha tyāgī. hōihi jaba kara kīṭa abhāgī..
puni kahu bhālu kīsa kaṭakāī. kaṭhina kāla prērita cali āī..
jinha kē jīvana kara rakhavārā. bhayau mṛdula cita siṃdhu bicārā..
kahu tapasinha kai bāta bahōrī. jinha kē hṛdayaom trāsa ati mōrī..
चौपाई
nātha kṛpā kari pūomchēhu jaisēṃ. mānahu kahā krōdha taji taisēṃ..
milā jāi jaba anuja tumhārā. jātahiṃ rāma tilaka tēhi sārā..
rāvana dūta hamahi suni kānā. kapinha bāomdhi dīnhē dukha nānā..
śravana nāsikā kāṭai lāgē. rāma sapatha dīnhē hama tyāgē..
pūomchihu nātha rāma kaṭakāī. badana kōṭi sata barani na jāī..
nānā barana bhālu kapi dhārī. bikaṭānana bisāla bhayakārī..
jēhiṃ pura dahēu hatēu suta tōrā. sakala kapinha mahaom tēhi balu thōrā..
amita nāma bhaṭa kaṭhina karālā. amita nāga bala bipula bisālā..
