चौपाई
मन संतोष सुनत कपि बानी। भगति प्रताप तेज बल सानी।।
आसिष दीन्हि रामप्रिय जाना। होहु तात बल सील निधाना।।
अजर अमर गुननिधि सुत होहू। करहुँ बहुत रघुनायक छोहू।।
करहुँ कृपा प्रभु अस सुनि काना। निर्भर प्रेम मगन हनुमाना।।
बार बार नाएसि पद सीसा। बोला बचन जोरि कर कीसा।।
अब कृतकृत्य भयउँ मैं माता। आसिष तव अमोघ बिख्याता।।
सुनहु मातु मोहि अतिसय भूखा। लागि देखि सुंदर फल रूखा।।
सुनु सुत करहिं बिपिन रखवारी। परम सुभट रजनीचर भारी।।
तिन्ह कर भय माता मोहि नाहीं। जौं तुम्ह सुख मानहु मन माहीं।।
दोहा/सोरठा
देखि बुद्धि बल निपुन कपि कहेउ जानकीं जाहु।
रघुपति चरन हृदयँ धरि तात मधुर फल खाहु।।17।।
चौपाई
चलेउ नाइ सिरु पैठेउ बागा। फल खाएसि तरु तोरैं लागा।।
रहे तहाँ बहु भट रखवारे। कछु मारेसि कछु जाइ पुकारे।।
नाथ एक आवा कपि भारी। तेहिं असोक बाटिका उजारी।।
खाएसि फल अरु बिटप उपारे। रच्छक मर्दि मर्दि महि डारे।।
सुनि रावन पठए भट नाना। तिन्हहि देखि गर्जेउ हनुमाना।।
सब रजनीचर कपि संघारे। गए पुकारत कछु अधमारे।।
पुनि पठयउ तेहिं अच्छकुमारा। चला संग लै सुभट अपारा।।
आवत देखि बिटप गहि तर्जा। ताहि निपाति महाधुनि गर्जा।।
दोहा/सोरठा
कछु मारेसि कछु मर्देसि कछु मिलएसि धरि धूरि।
कछु पुनि जाइ पुकारे प्रभु मर्कट बल भूरि।।18।।
चौपाई
mana saṃtōṣa sunata kapi bānī. bhagati pratāpa tēja bala sānī..
āsiṣa dīnhi rāmapriya jānā. hōhu tāta bala sīla nidhānā..
ajara amara gunanidhi suta hōhū. karahuom bahuta raghunāyaka chōhū..
karahuom kṛpā prabhu asa suni kānā. nirbhara prēma magana hanumānā..
bāra bāra nāēsi pada sīsā. bōlā bacana jōri kara kīsā..
aba kṛtakṛtya bhayauom maiṃ mātā. āsiṣa tava amōgha bikhyātā..
sunahu mātu mōhi atisaya bhūkhā. lāgi dēkhi suṃdara phala rūkhā..
sunu suta karahiṃ bipina rakhavārī. parama subhaṭa rajanīcara bhārī..
tinha kara bhaya mātā mōhi nāhīṃ. jauṃ tumha sukha mānahu mana māhīṃ..
चौपाई
calēu nāi siru paiṭhēu bāgā. phala khāēsi taru tōraiṃ lāgā..
rahē tahāom bahu bhaṭa rakhavārē. kachu mārēsi kachu jāi pukārē..
nātha ēka āvā kapi bhārī. tēhiṃ asōka bāṭikā ujārī..
khāēsi phala aru biṭapa upārē. racchaka mardi mardi mahi ḍārē..
suni rāvana paṭhaē bhaṭa nānā. tinhahi dēkhi garjēu hanumānā..
saba rajanīcara kapi saṃghārē. gaē pukārata kachu adhamārē..
puni paṭhayau tēhiṃ acchakumārā. calā saṃga lai subhaṭa apārā..
āvata dēkhi biṭapa gahi tarjā. tāhi nipāti mahādhuni garjā..
