चौपाई
दैहिक दैविक भौतिक तापा। राम राज नहिं काहुहि ब्यापा।।
सब नर करहिं परस्पर प्रीती। चलहिं स्वधर्म निरत श्रुति नीती।।
चारिउ चरन धर्म जग माहीं। पूरि रहा सपनेहुँ अघ नाहीं।।
राम भगति रत नर अरु नारी। सकल परम गति के अधिकारी।।
अल्पमृत्यु नहिं कवनिउ पीरा। सब सुंदर सब बिरुज सरीरा।।
नहिं दरिद्र कोउ दुखी न दीना। नहिं कोउ अबुध न लच्छन हीना।।
सब निर्दंभ धर्मरत पुनी। नर अरु नारि चतुर सब गुनी।।
सब गुनग्य पंडित सब ग्यानी। सब कृतग्य नहिं कपट सयानी।।
चौपाई
भूमि सप्त सागर मेखला। एक भूप रघुपति कोसला।।
भुअन अनेक रोम प्रति जासू। यह प्रभुता कछु बहुत न तासू।।
सो महिमा समुझत प्रभु केरी। यह बरनत हीनता घनेरी।।
सोउ महिमा खगेस जिन्ह जानी। फिरी एहिं चरित तिन्हहुँ रति मानी।।
सोउ जाने कर फल यह लीला। कहहिं महा मुनिबर दमसीला।।
राम राज कर सुख संपदा। बरनि न सकइ फनीस सारदा।।
सब उदार सब पर उपकारी। बिप्र चरन सेवक नर नारी।।
एकनारि ब्रत रत सब झारी। ते मन बच क्रम पति हितकारी।।
चौपाई
daihika daivika bhautika tāpā. rāma rāja nahiṃ kāhuhi byāpā..
saba nara karahiṃ paraspara prītī. calahiṃ svadharma nirata śruti nītī..
cāriu carana dharma jaga māhīṃ. pūri rahā sapanēhuom agha nāhīṃ..
rāma bhagati rata nara aru nārī. sakala parama gati kē adhikārī..
alpamṛtyu nahiṃ kavaniu pīrā. saba suṃdara saba biruja sarīrā..
nahiṃ daridra kōu dukhī na dīnā. nahiṃ kōu abudha na lacchana hīnā..
saba nirdaṃbha dharmarata punī. nara aru nāri catura saba gunī..
saba gunagya paṃḍita saba gyānī. saba kṛtagya nahiṃ kapaṭa sayānī..
चौपाई
bhūmi sapta sāgara mēkhalā. ēka bhūpa raghupati kōsalā..
bhuana anēka rōma prati jāsū. yaha prabhutā kachu bahuta na tāsū..
sō mahimā samujhata prabhu kērī. yaha baranata hīnatā ghanērī..
sōu mahimā khagēsa jinha jānī. phirī ēhiṃ carita tinhahuom rati mānī..
sōu jānē kara phala yaha līlā. kahahiṃ mahā munibara damasīlā..
rāma rāja kara sukha saṃpadā. barani na sakai phanīsa sāradā..
saba udāra saba para upakārī. bipra carana sēvaka nara nārī..
ēkanāri brata rata saba jhārī. tē mana baca krama pati hitakārī..
