चौपाई
फूलहिं फरहिं सदा तरु कानन। रहहि एक सँग गज पंचानन।।
खग मृग सहज बयरु बिसराई। सबन्हि परस्पर प्रीति बढ़ाई।।
कूजहिं खग मृग नाना बृंदा। अभय चरहिं बन करहिं अनंदा।।
सीतल सुरभि पवन बह मंदा। गूंजत अलि लै चलि मकरंदा।।
लता बिटप मागें मधु चवहीं। मनभावतो धेनु पय स्त्रवहीं।।
ससि संपन्न सदा रह धरनी। त्रेताँ भइ कृतजुग कै करनी।।
प्रगटीं गिरिन्ह बिबिध मनि खानी। जगदातमा भूप जग जानी।।
सरिता सकल बहहिं बर बारी। सीतल अमल स्वाद सुखकारी।।
सागर निज मरजादाँ रहहीं। डारहिं रत्न तटन्हि नर लहहीं।।
सरसिज संकुल सकल तड़ागा। अति प्रसन्न दस दिसा बिभागा।।
चौपाई
कोटिन्ह बाजिमेध प्रभु कीन्हे। दान अनेक द्विजन्ह कहँ दीन्हे।।
श्रुति पथ पालक धर्म धुरंधर। गुनातीत अरु भोग पुरंदर।।
पति अनुकूल सदा रह सीता। सोभा खानि सुसील बिनीता।।
जानति कृपासिंधु प्रभुताई। सेवति चरन कमल मन लाई।।
जद्यपि गृहँ सेवक सेवकिनी। बिपुल सदा सेवा बिधि गुनी।।
निज कर गृह परिचरजा करई। रामचंद्र आयसु अनुसरई।।
जेहि बिधि कृपासिंधु सुख मानइ। सोइ कर श्री सेवा बिधि जानइ।।
कौसल्यादि सासु गृह माहीं। सेवइ सबन्हि मान मद नाहीं।।
उमा रमा ब्रह्मादि बंदिता। जगदंबा संततमनिंदिता।।
चौपाई
phūlahiṃ pharahiṃ sadā taru kānana. rahahi ēka saomga gaja paṃcānana..
khaga mṛga sahaja bayaru bisarāī. sabanhi paraspara prīti baḍhaāī..
kūjahiṃ khaga mṛga nānā bṛṃdā. abhaya carahiṃ bana karahiṃ anaṃdā..
sītala surabhi pavana baha maṃdā. gūṃjata ali lai cali makaraṃdā..
latā biṭapa māgēṃ madhu cavahīṃ. manabhāvatō dhēnu paya stravahīṃ..
sasi saṃpanna sadā raha dharanī. trētāom bhai kṛtajuga kai karanī..
pragaṭīṃ girinha bibidha mani khānī. jagadātamā bhūpa jaga jānī..
saritā sakala bahahiṃ bara bārī. sītala amala svāda sukhakārī..
sāgara nija marajādāom rahahīṃ. ḍārahiṃ ratna taṭanhi nara lahahīṃ..
sarasija saṃkula sakala taḍaāgā. ati prasanna dasa disā bibhāgā..
चौपाई
kōṭinha bājimēdha prabhu kīnhē. dāna anēka dvijanha kahaom dīnhē..
śruti patha pālaka dharma dhuraṃdhara. gunātīta aru bhōga puraṃdara..
pati anukūla sadā raha sītā. sōbhā khāni susīla binītā..
jānati kṛpāsiṃdhu prabhutāī. sēvati carana kamala mana lāī..
jadyapi gṛhaom sēvaka sēvakinī. bipula sadā sēvā bidhi gunī..
nija kara gṛha paricarajā karaī. rāmacaṃdra āyasu anusaraī..
jēhi bidhi kṛpāsiṃdhu sukha mānai. sōi kara śrī sēvā bidhi jānai..
kausalyādi sāsu gṛha māhīṃ. sēvai sabanhi māna mada nāhīṃ..
umā ramā brahmādi baṃditā. jagadaṃbā saṃtatamaniṃditā..
