चौपाई
नारदादि सनकादि मुनीसा। दरसन लागि कोसलाधीसा।।
दिन प्रति सकल अजोध्या आवहिं। देखि नगरु बिरागु बिसरावहिं।।
जातरूप मनि रचित अटारीं। नाना रंग रुचिर गच ढारीं।।
पुर चहुँ पास कोट अति सुंदर। रचे कँगूरा रंग रंग बर।।
नव ग्रह निकर अनीक बनाई। जनु घेरी अमरावति आई।।
महि बहु रंग रचित गच काँचा। जो बिलोकि मुनिबर मन नाचा।।
धवल धाम ऊपर नभ चुंबत। कलस मनहुँ रबि ससि दुति निंदत।।
बहु मनि रचित झरोखा भ्राजहिं। गृह गृह प्रति मनि दीप बिराजहिं।।
चौपाई
सुमन बाटिका सबहिं लगाई। बिबिध भाँति करि जतन बनाई।।
लता ललित बहु जाति सुहाई। फूलहिं सदा बंसत कि नाई।।
गुंजत मधुकर मुखर मनोहर। मारुत त्रिबिध सदा बह सुंदर।।
नाना खग बालकन्हि जिआए। बोलत मधुर उड़ात सुहाए।।
मोर हंस सारस पारावत। भवननि पर सोभा अति पावत।।
जहँ तहँ देखहिं निज परिछाहीं। बहु बिधि कूजहिं नृत्य कराहीं।।
सुक सारिका पढ़ावहिं बालक। कहहु राम रघुपति जनपालक।।
राज दुआर सकल बिधि चारू। बीथीं चौहट रूचिर बजारू।।
चौपाई
nāradādi sanakādi munīsā. darasana lāgi kōsalādhīsā..
dina prati sakala ajōdhyā āvahiṃ. dēkhi nagaru birāgu bisarāvahiṃ..
jātarūpa mani racita aṭārīṃ. nānā raṃga rucira gaca ḍhārīṃ..
pura cahuom pāsa kōṭa ati suṃdara. racē kaomgūrā raṃga raṃga bara..
nava graha nikara anīka banāī. janu ghērī amarāvati āī..
mahi bahu raṃga racita gaca kāomcā. jō bilōki munibara mana nācā..
dhavala dhāma ūpara nabha cuṃbata. kalasa manahuom rabi sasi duti niṃdata..
bahu mani racita jharōkhā bhrājahiṃ. gṛha gṛha prati mani dīpa birājahiṃ..
चौपाई
sumana bāṭikā sabahiṃ lagāī. bibidha bhāomti kari jatana banāī..
latā lalita bahu jāti suhāī. phūlahiṃ sadā baṃsata ki nāī..
guṃjata madhukara mukhara manōhara. māruta tribidha sadā baha suṃdara..
nānā khaga bālakanhi jiāē. bōlata madhura uḍaāta suhāē..
mōra haṃsa sārasa pārāvata. bhavanani para sōbhā ati pāvata..
jahaom tahaom dēkhahiṃ nija parichāhīṃ. bahu bidhi kūjahiṃ nṛtya karāhīṃ..
suka sārikā paḍhaāvahiṃ bālaka. kahahu rāma raghupati janapālaka..
rāja duāra sakala bidhi cārū. bīthīṃ cauhaṭa rūcira bajārū..
