चौपाई
एक बार रघुनाथ बोलाए। गुर द्विज पुरबासी सब आए।।
बैठे गुर मुनि अरु द्विज सज्जन। बोले बचन भगत भव भंजन।।
सनहु सकल पुरजन मम बानी। कहउँ न कछु ममता उर आनी।।
नहिं अनीति नहिं कछु प्रभुताई। सुनहु करहु जो तुम्हहि सोहाई।।
सोइ सेवक प्रियतम मम सोई। मम अनुसासन मानै जोई।।
जौं अनीति कछु भाषौं भाई। तौं मोहि बरजहु भय बिसराई।।
बड़ें भाग मानुष तनु पावा। सुर दुर्लभ सब ग्रंथिन्ह गावा।।
साधन धाम मोच्छ कर द्वारा। पाइ न जेहिं परलोक सँवारा।।
चौपाई
एहि तन कर फल बिषय न भाई। स्वर्गउ स्वल्प अंत दुखदाई।।
नर तनु पाइ बिषयँ मन देहीं। पलटि सुधा ते सठ बिष लेहीं।।
ताहि कबहुँ भल कहइ न कोई। गुंजा ग्रहइ परस मनि खोई।।
आकर चारि लच्छ चौरासी। जोनि भ्रमत यह जिव अबिनासी।।
फिरत सदा माया कर प्रेरा। काल कर्म सुभाव गुन घेरा।।
कबहुँक करि करुना नर देही। देत ईस बिनु हेतु सनेही।।
नर तनु भव बारिधि कहुँ बेरो। सन्मुख मरुत अनुग्रह मेरो।।
करनधार सदगुर दृढ़ नावा। दुर्लभ साज सुलभ करि पावा।।
चौपाई
ēka bāra raghunātha bōlāē. gura dvija purabāsī saba āē..
baiṭhē gura muni aru dvija sajjana. bōlē bacana bhagata bhava bhaṃjana..
sanahu sakala purajana mama bānī. kahauom na kachu mamatā ura ānī..
nahiṃ anīti nahiṃ kachu prabhutāī. sunahu karahu jō tumhahi sōhāī..
sōi sēvaka priyatama mama sōī. mama anusāsana mānai jōī..
jauṃ anīti kachu bhāṣauṃ bhāī. tauṃ mōhi barajahu bhaya bisarāī..
baḍaēṃ bhāga mānuṣa tanu pāvā. sura durlabha saba graṃthinha gāvā..
sādhana dhāma mōccha kara dvārā. pāi na jēhiṃ paralōka saomvārā..
चौपाई
ēhi tana kara phala biṣaya na bhāī. svargau svalpa aṃta dukhadāī..
nara tanu pāi biṣayaom mana dēhīṃ. palaṭi sudhā tē saṭha biṣa lēhīṃ..
tāhi kabahuom bhala kahai na kōī. guṃjā grahai parasa mani khōī..
ākara cāri laccha caurāsī. jōni bhramata yaha jiva abināsī..
phirata sadā māyā kara prērā. kāla karma subhāva guna ghērā..
kabahuomka kari karunā nara dēhī. dēta īsa binu hētu sanēhī..
nara tanu bhava bāridhi kahuom bērō. sanmukha maruta anugraha mērō..
karanadhāra sadagura dṛḍha nāvā. durlabha sāja sulabha kari pāvā..
