चौपाई
पर हित सरिस धर्म नहिं भाई। पर पीड़ा सम नहिं अधमाई।।
निर्नय सकल पुरान बेद कर। कहेउँ तात जानहिं कोबिद नर।।
नर सरीर धरि जे पर पीरा। करहिं ते सहहिं महा भव भीरा।।
करहिं मोह बस नर अघ नाना। स्वारथ रत परलोक नसाना।।
कालरूप तिन्ह कहँ मैं भ्राता। सुभ अरु असुभ कर्म फल दाता।।
अस बिचारि जे परम सयाने। भजहिं मोहि संसृत दुख जाने।।
त्यागहिं कर्म सुभासुभ दायक। भजहिं मोहि सुर नर मुनि नायक।।
संत असंतन्ह के गुन भाषे। ते न परहिं भव जिन्ह लखि राखे।।
चौपाई
श्रीमुख बचन सुनत सब भाई। हरषे प्रेम न हृदयँ समाई।।
करहिं बिनय अति बारहिं बारा। हनूमान हियँ हरष अपारा।।
पुनि रघुपति निज मंदिर गए। एहि बिधि चरित करत नित नए।।
बार बार नारद मुनि आवहिं। चरित पुनीत राम के गावहिं।।
नित नव चरन देखि मुनि जाहीं। ब्रह्मलोक सब कथा कहाहीं।।
सुनि बिरंचि अतिसय सुख मानहिं। पुनि पुनि तात करहु गुन गानहिं।।
सनकादिक नारदहि सराहहिं। जद्यपि ब्रह्म निरत मुनि आहहिं।।
सुनि गुन गान समाधि बिसारी।। सादर सुनहिं परम अधिकारी।।
चौपाई
para hita sarisa dharma nahiṃ bhāī. para pīḍaā sama nahiṃ adhamāī..
nirnaya sakala purāna bēda kara. kahēuom tāta jānahiṃ kōbida nara..
nara sarīra dhari jē para pīrā. karahiṃ tē sahahiṃ mahā bhava bhīrā..
karahiṃ mōha basa nara agha nānā. svāratha rata paralōka nasānā..
kālarūpa tinha kahaom maiṃ bhrātā. subha aru asubha karma phala dātā..
asa bicāri jē parama sayānē. bhajahiṃ mōhi saṃsṛta dukha jānē..
tyāgahiṃ karma subhāsubha dāyaka. bhajahiṃ mōhi sura nara muni nāyaka..
saṃta asaṃtanha kē guna bhāṣē. tē na parahiṃ bhava jinha lakhi rākhē..
चौपाई
śrīmukha bacana sunata saba bhāī. haraṣē prēma na hṛdayaom samāī..
karahiṃ binaya ati bārahiṃ bārā. hanūmāna hiyaom haraṣa apārā..
puni raghupati nija maṃdira gaē. ēhi bidhi carita karata nita naē..
bāra bāra nārada muni āvahiṃ. carita punīta rāma kē gāvahiṃ..
nita nava carana dēkhi muni jāhīṃ. brahmalōka saba kathā kahāhīṃ..
suni biraṃci atisaya sukha mānahiṃ. puni puni tāta karahu guna gānahiṃ..
sanakādika nāradahi sarāhahiṃ. jadyapi brahma nirata muni āhahiṃ..
suni guna gāna samādhi bisārī.. sādara sunahiṃ parama adhikārī..
