चौपाई
यह प्रभु चरित पवित्र सुहावा। कहहु कृपाल काग कहँ पावा।।
तुम्ह केहि भाँति सुना मदनारी। कहहु मोहि अति कौतुक भारी।।
गरुड़ महाग्यानी गुन रासी। हरि सेवक अति निकट निवासी।।
तेहिं केहि हेतु काग सन जाई। सुनी कथा मुनि निकर बिहाई।।
कहहु कवन बिधि भा संबादा। दोउ हरिभगत काग उरगादा।।
गौरि गिरा सुनि सरल सुहाई। बोले सिव सादर सुख पाई।।
धन्य सती पावन मति तोरी। रघुपति चरन प्रीति नहिं थोरी।।
सुनहु परम पुनीत इतिहासा। जो सुनि सकल लोक भ्रम नासा।।
उपजइ राम चरन बिस्वासा। भव निधि तर नर बिनहिं प्रयासा।।
चौपाई
मैं जिमि कथा सुनी भव मोचनि। सो प्रसंग सुनु सुमुखि सुलोचनि।।
प्रथम दच्छ गृह तव अवतारा। सती नाम तब रहा तुम्हारा।।
दच्छ जग्य तब भा अपमाना। तुम्ह अति क्रोध तजे तब प्राना।।
मम अनुचरन्ह कीन्ह मख भंगा। जानहु तुम्ह सो सकल प्रसंगा।।
तब अति सोच भयउ मन मोरें। दुखी भयउँ बियोग प्रिय तोरें।।
सुंदर बन गिरि सरित तड़ागा। कौतुक देखत फिरउँ बेरागा।।
गिरि सुमेर उत्तर दिसि दूरी। नील सैल एक सुन्दर भूरी।।
तासु कनकमय सिखर सुहाए। चारि चारु मोरे मन भाए।।
तिन्ह पर एक एक बिटप बिसाला। बट पीपर पाकरी रसाला।।
सैलोपरि सर सुंदर सोहा। मनि सोपान देखि मन मोहा।।
चौपाई
yaha prabhu carita pavitra suhāvā. kahahu kṛpāla kāga kahaom pāvā..
tumha kēhi bhāomti sunā madanārī. kahahu mōhi ati kautuka bhārī..
garuḍa mahāgyānī guna rāsī. hari sēvaka ati nikaṭa nivāsī..
tēhiṃ kēhi hētu kāga sana jāī. sunī kathā muni nikara bihāī..
kahahu kavana bidhi bhā saṃbādā. dōu haribhagata kāga uragādā..
gauri girā suni sarala suhāī. bōlē siva sādara sukha pāī..
dhanya satī pāvana mati tōrī. raghupati carana prīti nahiṃ thōrī..
sunahu parama punīta itihāsā. jō suni sakala lōka bhrama nāsā..
upajai rāma carana bisvāsā. bhava nidhi tara nara binahiṃ prayāsā..
चौपाई
maiṃ jimi kathā sunī bhava mōcani. sō prasaṃga sunu sumukhi sulōcani..
prathama daccha gṛha tava avatārā. satī nāma taba rahā tumhārā..
daccha jagya taba bhā apamānā. tumha ati krōdha tajē taba prānā..
mama anucaranha kīnha makha bhaṃgā. jānahu tumha sō sakala prasaṃgā..
taba ati sōca bhayau mana mōrēṃ. dukhī bhayauom biyōga priya tōrēṃ..
suṃdara bana giri sarita taḍaāgā. kautuka dēkhata phirauom bērāgā..
giri sumēra uttara disi dūrī. nīla saila ēka sundara bhūrī..
tāsu kanakamaya sikhara suhāē. cāri cāru mōrē mana bhāē..
tinha para ēka ēka biṭapa bisālā. baṭa pīpara pākarī rasālā..
sailōpari sara suṃdara sōhā. mani sōpāna dēkhi mana mōhā..
