चौपाई
तेहिं गिरि रुचिर बसइ खग सोई। तासु नास कल्पांत न होई।।
माया कृत गुन दोष अनेका। मोह मनोज आदि अबिबेका।।
रहे ब्यापि समस्त जग माहीं। तेहि गिरि निकट कबहुँ नहिं जाहीं।।
तहँ बसि हरिहि भजइ जिमि कागा। सो सुनु उमा सहित अनुरागा।।
पीपर तरु तर ध्यान सो धरई। जाप जग्य पाकरि तर करई।।
आँब छाहँ कर मानस पूजा। तजि हरि भजनु काजु नहिं दूजा।।
बर तर कह हरि कथा प्रसंगा। आवहिं सुनहिं अनेक बिहंगा।।
राम चरित बिचीत्र बिधि नाना। प्रेम सहित कर सादर गाना।।
सुनहिं सकल मति बिमल मराला। बसहिं निरंतर जे तेहिं ताला।।
जब मैं जाइ सो कौतुक देखा। उर उपजा आनंद बिसेषा।।
चौपाई
गिरिजा कहेउँ सो सब इतिहासा। मैं जेहि समय गयउँ खग पासा।।
अब सो कथा सुनहु जेही हेतू। गयउ काग पहिं खग कुल केतू।।
जब रघुनाथ कीन्हि रन क्रीड़ा। समुझत चरित होति मोहि ब्रीड़ा।।
इंद्रजीत कर आपु बँधायो। तब नारद मुनि गरुड़ पठायो।।
बंधन काटि गयो उरगादा। उपजा हृदयँ प्रचंड बिषादा।।
प्रभु बंधन समुझत बहु भाँती। करत बिचार उरग आराती।।
ब्यापक ब्रह्म बिरज बागीसा। माया मोह पार परमीसा।।
सो अवतार सुनेउँ जग माहीं। देखेउँ सो प्रभाव कछु नाहीं।।
चौपाई
tēhiṃ giri rucira basai khaga sōī. tāsu nāsa kalpāṃta na hōī..
māyā kṛta guna dōṣa anēkā. mōha manōja ādi abibēkā..
rahē byāpi samasta jaga māhīṃ. tēhi giri nikaṭa kabahuom nahiṃ jāhīṃ..
tahaom basi harihi bhajai jimi kāgā. sō sunu umā sahita anurāgā..
pīpara taru tara dhyāna sō dharaī. jāpa jagya pākari tara karaī..
āomba chāhaom kara mānasa pūjā. taji hari bhajanu kāju nahiṃ dūjā..
bara tara kaha hari kathā prasaṃgā. āvahiṃ sunahiṃ anēka bihaṃgā..
rāma carita bicītra bidhi nānā. prēma sahita kara sādara gānā..
sunahiṃ sakala mati bimala marālā. basahiṃ niraṃtara jē tēhiṃ tālā..
jaba maiṃ jāi sō kautuka dēkhā. ura upajā ānaṃda bisēṣā..
चौपाई
girijā kahēuom sō saba itihāsā. maiṃ jēhi samaya gayauom khaga pāsā..
aba sō kathā sunahu jēhī hētū. gayau kāga pahiṃ khaga kula kētū..
jaba raghunātha kīnhi rana krīḍaā. samujhata carita hōti mōhi brīḍaā..
iṃdrajīta kara āpu baomdhāyō. taba nārada muni garuḍa paṭhāyō..
baṃdhana kāṭi gayō uragādā. upajā hṛdayaom pracaṃḍa biṣādā..
prabhu baṃdhana samujhata bahu bhāomtī. karata bicāra uraga ārātī..
byāpaka brahma biraja bāgīsā. māyā mōha pāra paramīsā..
sō avatāra sunēuom jaga māhīṃ. dēkhēuom sō prabhāva kachu nāhīṃ..
